پرەمەر-مينيستر كارىم ءماسىموۆتىڭ قاتىسۋىمەن «قازاقستان تەمىر جولى» ۇك» اق پرەزيدەنتى اسقار مامين مەن ەۋروپا قايتا قۇرۋ جانە دامۋ بانكىنىڭ پرەزيدەنتى توماس ميروۆ قۋات ۇنەمدەۋ سالاسىنداعى ءوزارا ارىپتەستىك تۋرالى مەموراندۋمعا قول قويدى. اتالمىش قۇجات ۇلتتىق تاسىمالداۋشىنىڭ قۋات ۇنەمدەۋ جانە جانار-جاعارمايدى از تۇتىنۋ ارقىلى اۋاعا كومىرتەگى قالدىقتارىن از شىعارۋ ارقىلى ەكولوگيالىق تۇراقتىلىقتى ساقتاۋ جونىندە ۇزاق مەرزىمدى ارىپتەستىكتى جالعاستىرۋعا ارنالدى.
تاراپتار ينۆەستيتسيالىق باعدارلامانى 100-200 ملن. اقش دوللارى كولەمىندەگى قارجىمەن قامتۋدىڭ جولدارىن قاراستىرماق. نەگىزىنەن ينۆەستيتسيا جىلجىمالى قۇرامنىڭ جانار-جاعارماي شىعىنىن اۆتوماتتى ەسەپتەۋ جۇيەسىن جاساۋ مەن وزگە دە قۋات كوزدەرىن ىزدەستىرۋگە ارنالعان. بۇعان قوسا ولار قتج قۋات ۇنەمدەۋ مەن ەكولوگيالىق تالاپتاردى ساقتاۋ ماسەلەسىنە قاتىستى ديرەكتيۆالىق-نورماتيۆتىك قۇجاتتاردى جاساپ, قولدانۋ باعىتىندا دا ارىپتەستىك قارىم-قاتىناس ورناتپاق.
ءابدىراحمان قىدىربەك.
قتج-نىڭ قۋات ۇنەمدەۋ ينۆەستيتسيالىق باعدارلاماسى بيىلعى جىلدىڭ اياعىنا دەيىن ءتۇزىلمەك. سوڭعى بىرنەشە جىلدان بەرى ەقدب «قازاقستان تەمىر جولى» ۇك» اق-پەن تەمىر جول ينفراقۇرىلىمىن ۇلعايتۋعا قۇنى 350 ملن. اقش دوللارىن قۇرايتىن كەلىسىم-شارت جاساسقان.