اگرارلىق عىلىم مەن ءوندىرىسىن دامىتۋدا ارتىنا وشپەستەي ءىز قالدىرعان قر ۇلتتىق عىلىم اكادەمياسىنىڭ اكادەميگى, سوتسياليستىك ەڭبەك ەرى, اۋىل شارۋاشىلىعى عىلىمىنىڭ دوكتورى, پروفەسسور قاسىم اسانوۆتىڭ تۋعانىنا 70 جىل تولۋىنا وراي ءوزى ۇزاق جىلدار قىزمەت ىستەگەن قاراشاڭىراق – قازاق ۇلتتىق اگرارلىق ۋنيۆەرسيتەتىندە حالىقارالىق عىلىمي-پراكتيكالىق كونفەرەنتسيا ءوتتى.
15 جىلدان اسا ۋاقىت عىلىم مەن ءوندىرىس بىرلەستىگىندە ازىق پەن جايىلىم بارىسىندا كوپتەگەن عىلىمي-زەرتتەۋ جۇمىستارىن جۇرگىزىپ, ونىڭ تيىمدىلىگى مەن ساپاسىن ارتتىرۋعا وزىندىك ۇلەسىن قوسقان عالىم ءومىرىنىڭ سوڭىنا دەيىن ءوزى جەتەكشىلىك ەتكەن رەسپۋبليكاداعى «جەم جانە جايىلىم» عىلىمي-تەحنيكالىق باعدارلاماسى بۇگىندە وڭ ءناتيجەسىن بەرىپ كەلەدى. اتاپ ايتقاندا, شىعىس قازاقستان وڭىرىندە مادەني جايىلىمداردى ءتيىمدى پايدالانۋدىڭ, كاسپي ايماقتارىنداعى جايىلىمداردىڭ قۇنارلىلىعىن ارتتىرۋدىڭ, ۆولگا مەن ورال, اتىراۋ اۋماقتارىنداعى جەم ءوندىرىسىنىڭ عىلىمي-زەرتتەۋ جۇمىستارىنىڭ نەگىزىن قالادى.
قازىرگى تاڭدا وسى باعىتتاعى جۇمىستاردىڭ اۋىل شارۋاشىلىعى سالاسى ءۇشىن بەرەرى كوپ ەكەندىگىنە مامانداردىڭ كوزى جەتتى. سوندىقتان دا عىلىم جولىندا اسقان تاباندىلىق كورسەتكەن قاسىم اسانوۆتىڭ قول جەتكىزگەن جەتىستىكتەرى ومىرشەڭدىگىمەن قۇندى. ول جونىندە كونفەرەنتسيادا جان-جاقتى ايتىلىپ, عالىمنىڭ عىلىمي ەڭبەكتەرى زەرتحانادا پراكتيكالىق جاعىنان دا كورسەتىلدى. جيىندا سويلەگەن قوناقتار, بەلگىلى عالىمدار ق.اسانوۆتىڭ اشقان جاڭالىقتارىنىڭ حالىقارالىق ماڭىزىن ايتا كەلە, ول كىسىنىڭ ازاماتتىق كەلبەتىنە, ادامي قاسيەتتەرىنە دە توقتالدى.
گۇلزەينەپ سادىرقىزى.