«ءبىزدىڭ ازاماتتار جايىندا مالىمەتتەر كەلىپ تۇسكەن جوق», دەدى قر سىرتقى ىستەر مينيسترلىگى ءباسپاسوز قىزمەتىنىڭ جەتەكشىسى ءانۋار جايناقوۆ.
ايتا كەتەيىك, رەسەيدەن تايلاندقا ۇشىپ شىققان «اەروفلوت» اۋە كومپانياسىنىڭ ۇشاعى بانگكوك اۋەجايىنا اپاتتى جاعدايدا قونعان ەدى. ويتكەنى, ۇشاق تاي ەلىنىڭ اۋەجايىنا جەتە بەرە بىرنەشە مارتە اۋە ويىعىنا تاپ بولىپ, سونىڭ سالدارىنان بىرنەشە جولاۋشى جاراقات العان. توتەنشە وقيعا كەزىندە قاۋىپسىزدىك بەلبەۋىن تاقپاعان جولاۋشىلار ۇشاق اۋە ويىعىنا تۇسكەن ساتتە ورىندارىنان ۇشىپ كەتىپ, ءتىپتى كەيبىرى سالون توبەسىنە بارىپ سوقتىعىسقان. بىرقاتار جولاۋشىنىڭ بەل ومىرتقاسى زاقىمدانۋى مۇمكىن دەگەن قاۋىپ تە بار. كۋاگەرلەردىڭ ايتۋىنشا, جاراقات العان جولاۋشىلار ۇشاققا دارىگەرلەر كەلگەنگە دەيىن سالون ەدەنىندە جاتقان.
قازىرگى ۋاقىتتا زارداپ شەككەندەردىڭ 25 ادام ەكەندىگى, ولاردىڭ 19-ى اۋرۋحاناعا جەتكىزىلگەندىگى بەلگىلى.