مەملەكەت باسشىسى وتكەن كەزدەسۋدەن بەرى ەكى ەل اراسىنداعى ىسكەرلىك بەلسەندىلىكتىڭ ارتۋى بايقالىپ وتىرعانىن اتاپ ءوتتى, دەپ حابارلايدى اقوردانىڭ رەسمي سايتى.
– بيىلعى ءبىرىنشى توقساندا ەكونوميكانىڭ ءتۇرلى سالاسىنداعى ىسكەرلىك ءوزارا قارىم-قاتىناستىڭ دەڭگەيى ارتتى. وسى ورايدا, كولىك-لوگيستيكا سالاسىن, اۆتوونەركاسىپتى, سونداي-اق وڭىرلىك ىنتىماقتاستىقتى اتاپ وتۋگە بولادى. 2017 جىلعى العاشقى ءۇش ايدا تاۋار اينالىمى 37%-عا ءوستى, – دەدى قازاقستان پرەزيدەنتى.
ش.ميرزيوەۆ تىعىز ەكىجاقتى كەزدەسۋلەر مەملەكەتارالىق قارىم-قاتىناستىڭ تيىمدىلىگىنە تىكەلەي ىقپال ەتىپ وتىرعانىنا نازار اۋداردى.
– بيىلعى ناۋرىز ايىنداعى ساپاردان سوڭ ءبىز بىرلەسكەن جۇمىستاردىڭ بارلىق باعىتى بويىنشا جول كارتاسىن قابىلدادىق. مينيسترلەر, وڭىرلەر باسشىلارى دەڭگەيىندەگى كەزدەسۋلەر جيىلەدى, – دەدى وزبەك كوشباسشىسى.
بۇدان بولەك, وزبەكستان پرەزيدەنتى رەسەي فەدەراتسياسىنان مۇناي تاسىمالداۋ ماسەلەسىنە بايلانىستى قولداۋ كورسەتكەنى ءۇشىن نۇرسۇلتان نازارباەۆقا العىس ايتتى.
سوڭىندا ەكى ەل باسشىلارى قازاقستان مەن وزبەكستان اراسىنداعى ىنتىماقتاستىقتىڭ وڭ قارقىنى ساقتالىپ, ودان ءارى دامي بەرەتىنىنە سەنىم ءبىلدىردى.