وسىناۋ مادەني شاراعا س.مۇقانوۆ اتىنداعى سولتۇستىك قازاقستان وبلىستىق قازاق مۋزىكالىق دراما تەاترىنىڭ ترۋپپاسى دا تىڭعىلىقتى دايىندىقپەن بارىپ, «قاسىرەت» پسيحولولوگيالىق دراماسىن ساحنالادى. قويىلىمدى قازىلار القاسى جوعارى باعالاپ, «ەڭ ۇزدىك رەجيسسەرلىك شەشىم» اتالىمىنا لايىق دەپ تاپتى. اتالمىش سپەكتاكلدىڭ پرەمەراسىن قىزىلجارلىق كورەرمەندەر وتە جىلى قابىلداعان ەدى. ەندى مىنە, باتىس وڭىرىندە دە ىستىق ىقىلاسقا, جىلى ىلتيپاتقا بولەندى.
جاس رەجيسسەر فارحاد مولداعالي بەلگىلى جازۋشى راحىمجان وتارباەۆتىڭ «ناشاقور تۋرالى نوۆەللا» تۋىندىسىنىڭ جەلىسىمەن ساحنالاعان سپەكتاكلدىڭ نەگىزگى يدەياسى – جاستاردى عاسىردىڭ باستى ىندەتىنەن جيرەندىرۋ, ونىڭ ءار وتباسىنا اكەلەتىن قاسىرەت-قايعىسىن ۇعىندىرۋ. كورەرمەندى ويلاندىراتىن قويىلىمدا ۋاقىت كەڭىستىگى, كەيىپكەرلەردىڭ مىنەز ەرەكشەلىگى, شىعارماداعى ءماتىن مەن ساحناداعى ءىس-ارەكەت ادەمى ۇيلەسىم تاپقان.
17 جىلدىق تاريحى بار جاس تەاتردىڭ تىڭ جەتىستىكتەرى بۇعان دەيىن دە حالىقارالىق دەڭگەيدە اتاپ وتىلگەن بولاتىن. جەڭىستى جولدار جالعاسى توقتالماق ەمەس.
بالجان بەكماعامبەتوۆا,
س.مۇقانوۆ اتىنداعى قازاق مۋزىكالىق دراما تەاترى ادەبيەت ءبولىمىنىڭ مەڭگەرۋشىسى
سولتۇستىك قازاقستان وبلىسى