ەلباسىمىزدىڭ جۋىردا بارشا حالىققا جول تارتقان «بولاشاققا باعدار: رۋحاني جاڭعىرۋ» اتتى ماقالاسىن ءبۇتىن ءبىر مەملەكەتتىڭ تامىرىنا قان جۇگىرتىپ, جان-جاقتى دامۋىمىزعا جول اشاتىن ءمانى تەرەڭ تاريحي قۇجات دەپ تۇسىنەمىز. دامۋدىڭ داڭعىل جولىن قالىپتاستىرىپ, ەلدىگىمىزدى قۋاتتاپ, بىرلىگىمىزدى بەكەمدەيتىن ءبىر ماقسات جولىندا جۇمىلىپ, ەرتەڭگى كۇنگە نىق سەنىممەن قاراۋعا باعىتتايتىن ءمانى تەرەڭ ماقالادا ايتىلعان ءار باعدارلامانىڭ ورنى بولەك. دامىعان وزىق تەحنولوگيالاردى يگەرىپ, بىرنەشە ءتىل مەڭگەرگەن, باسەكەگە بارىنشا قابىلەتتى زياتكەر ۇرپاق – مەملەكەتتىڭ كەلەشەگى.
الەمنىڭ ءار تۇكپىرىندە داۋ-جانجال, ءتۇرلى قاقتىعىستار ورىن الىپ جاتقان قيىن شاقتا تۇراقتىلىعىمىز بەن تاتۋلىعىمىزدى ساقتاپ, بەيبىت ءومىر ءسۇرىپ وتىرعانىمىز ەلباسىمىزدىڭ سىندارلى ساياساتىنىڭ ارقاسى دەپ بىلەمىز. قازاقستان حالقى اسسامبلەياسى كەڭەسىنىڭ مۇشەسى رەتىندە ەل تاريحىندا ورىن الىپ جاتقان ەلەۋلى مەرەكەلەرمەن بارشا قازاقستاندىقتى قۇتتىقتايمىن. ۇيعىر ەتنومادەني بىرلەستىگى بىرلىك پەن بەرەكەنى, سەنىم مەن ىزگىلىكتى, تاتۋلىق پەن تۇراقتىلىقتى ءاردايىم قولدايدى. ەلىمىزدىڭ مەرەيى ۇستەم بولىپ, مەملەكەتىمىز قارىشتاپ دامي بەرسىن.
شايماردان نۇرىموۆ,
پارلامەنت ءماجىلىسىنىڭ دەپۋتاتى, رەسپۋبليكالىق ۇيعىر ەتنومادەني بىرلەستىگىنىڭ توراعاسى