ءبىزدىڭ ەلىمىزدىڭ گااگا كونفەرەنتسياسىنا مۇشە بولۋى قازاقستان قۇقىق جۇيەسىنىڭ الەمدىك ستاندارتتاردى ەسكەرە وتىرىپ, ودان ءارى دامۋىنا, قازاقستاندىق ازاماتتاردىڭ شەت ەلدەردەگى مۇددەلەرى مەن قۇقىقتارىنىڭ قورعالۋ ءتيىمدىلىگىن ارتتىرۋعا ىقپال ەتەدى. گااگا كونفەرەنتسياسىنىڭ قۇرامىنا ەنۋ قازاقستانعا ورتاق ىستەر مەن ساياسات جونىندەگى كەڭەسكە قاتىسۋعا, كونۆەنتسيا جوبالارىن ازىرلەۋ ءۇشىن ارنايى كوميسسيالار جۇمىسىنا قاتىسۋعا نەمەسە گااگا كونفەرەنتسياسى جۇمىسىنىڭ اياسىندا حالىقارالىق جەكە قۇقىقتىڭ بارلىق ماسەلەلەرىن زەردەلەۋگە, گااگا كونۆەنتسياسىنا ۇيلەستىرۋدى تالداۋ بارىسىندا گااگا كونفەرەنتسياسى مەن ونىڭ مۇشەلەرىنىڭ ساراپتامالىق كومەگىن الۋعا, نەمەسە وزگە گااگا كونۆەنتسيالارىنا قوسىلۋدىڭ تيىمدىلىگى ماسەلەلەرىن قاراستىرۋعا مۇمكىندىك بەرەدى.
سەناتورلار گەورگي كيم مەن راشيت اكىموۆتىڭ ساۋالىنا ادىلەت ءمينيسترى مارات بەكەتاەۆ جاۋاپ بەردى. سەناتور مارات تاعىموۆ زاڭدى قولداۋ تۇرعىسىندا ءسوز سويلەدى.
زاڭناماعا دەنە شىنىقتىرۋ مەن سپورت ماسەلەلەرى بويىنشا تۇزەتۋلەر ەكى وقىلىمدا قارالىپ, قابىلداندى. قۇجات دەنە شىنىقتىرۋ جانە سپورت سالاسىن قارجىلاندىرۋدىڭ قولدانىستاعى جۇيەسىن جەتىلدىرۋ, ايقىندىعى مەن قارجىلاندىرۋ جۇيەسىنىڭ شىنايىلىعىن ارتتىرۋ ماقساتىندا ازىرلەنگەن بولاتىن. تۇزەتۋلەرمەن ەلىمىزدىڭ بيۋدجەت كودەكسىنە, «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسكە, سونداي-اق, «دەنە شىنىقتىرۋ جانە سپورت تۋرالى» زاڭعا وزگەرىستەر مەن تولىقتىرۋلار ەنگىزىلەدى. بيۋدجەت كودەكسىنە تۇزەتۋ قازاقستان رەسپۋبليكاسىنىڭ ۇلتتىق وليمپيادا كوميتەتىنە 2018 جىلعى 1 قاڭتاردان باستاپ دەنە شىنىقتىرۋ جانە سپورت سالاسىنداعى مەملەكەتتىك تاپسىرمانى الۋعا جانە وعان قاتىسۋعا قۇقىق بەرۋدى كوزدەيدى. «دەنە شىنىقتىرۋ جانە سپورت تۋرالى» زاڭدا سپورت تۇرلەرى بويىنشا بيۋدجەت قاراجاتىنىڭ ءتيىمدى ءبولىنۋىن قامتاماسىز ەتۋ ماقساتىندا سپورت تۇرلەرىن سارالاۋ جۇيەسىن ەنگىزۋ, ۇلتتىق وليمپيادا كوميتەتىن قوسا العاندا, مەملەكەتتىك باسقارۋ ورگاندارى مەن قوعامدىق بىرلەستىكتەر اراسىنداعى فۋنكتسيالاردىڭ اراجىگىن اجىراتۋ, ت.ب. ۇسىنىلادى.
قوسىمشا بايانداما جاساعان سەناتور سەرىك بەكتۇرعانوۆ قۇجاتتى قابىلداۋ ناتيجەسىندە رەسپۋبليكالىق جانە ايماقتىق دەڭگەيدەگى قارجى رەسۋرستارىن وبەكتيۆتى جانە تاۋەلسىز بولۋگە كەپىلدىك بەرەتىن ۇلگى قالىپتاساتىنى كۇتىلىپ وتىرعانىن جەتكىزدى. اتاپ ايتقاندا, زاڭ جوباسىندا كوزدەلگەندەي, سپورت ءتۇرلەرىنە سارالاۋ جۇيەسىن ەنگىزۋ جانە باسىمدىقتار ءتىزىمىن بەلگىلەۋ ءوڭىرلەر باسشىلارىنىڭ اۋەستىكتەرى مەن ۇناتۋشىلىقتارىنا قاراماستان ەلىمىزدە دە, ايماقتاردا دا كەلەشەگى زور باعىتتاردى دامىتۋعا مۇمكىندىك بەرەدى.
سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ ءتورايىمى داريعا نازارباەۆا زاڭ جوباسىن ازىرلەۋشىلەرگە كوميتەتتىڭ بىرقاتار ۇسىنىستارىن ايتتى. ولار: قازاقستان رەسپۋبليكاسىنىڭ تۇڭعىش پرەزيدەنتى – پرەزيدەنتتىك تەست كورسەتكىشتەرىن كۇردەلىلىگىنە بايلانىستى بىرنەشە ساناتقا ءبولۋ; مادەنيەت جانە سپورت مينيسترلىگى «سامۇرىق-قازىنا» ءال-اۋقات قورى» اكتسيونەرلىك قوعامىمەن بىرگە بىرىڭعاي وپەراتور («تۋريزم جانە سپورت يندۋسترياسىن دامىتۋ قورى») ارقىلى بۇرىن بولىنگەن قارجى كولەمىن ساقتاي وتىرىپ, كاسىبي جانە بۇقارالىق سپورتتى دامىتۋعا قارجى ءبولۋ; مادەنيەت جانە سپورت مينيسترلىگى قارجى مينيسترلىگىمەن بىرلەسە وتىرىپ, كاسىبي ارناۋلى جانە بۇقارالىق سپورتتى قارجىلاندىرۋ جونىندەگى بيۋدجەت باعدارلاماسىن ءبولۋ ماسەلەسىن پىسىقتاۋ, سونداي-اق كاسىبي سپورت كلۋبتارىنا, بالالار مەن جاسوسپىرىمدەردىڭ سپورت مەكتەپتەرىنە جانە سپورت عيماراتتارىنا سالىق جەڭىلدىكتەرىن بەرۋ (تسك, جەر مەن م ۇلىك سالىعى, ققس); مىنا ساناتتاردى: كاسىبي سپورت, ارناۋلى جانە بۇقارالىق سپورتتى پايىزدىق قاتىناستارعا بايلانىستى مەملەكەت بيۋدجەتىنەن قارجىلاندىرۋ كولەمىن بەلگىلەۋ, ايماقتاردا سپورتتى دامىتۋ مەن سپورت ينفراقۇرىلىمىن دامىتۋ, سالاماتتى ءومىر سالتىن ناسيحاتتاۋ, سپورت جارىستارىن قولداۋدى جەرگىلىكتى اتقارۋشى ورگانداردىڭ جاۋاپكەرشىلىگىنە بەرۋ. مىنە, وسى جانە تاعى باسقا ماڭىزدى ماسەلەلەردى زاڭ جۇزىندە بەكىتۋ كوزدەلىپ وتىر.
وتىرىس بارىسىندا سەناتورلاردىڭ دەپۋتاتتىق ساۋالدارى جاريا ەتىلدى.
نۇرلىبەك دوسىباي,
«ەگەمەن قازاقستان»