2017 جىلدىڭ 25 ساۋىرىندە سينگاپۋردا رادجاراتنام نانيان تەحنولوگيالىق ۋنيۆەرسيتەتىنىڭ حالىقارالىق زەرتتەۋلەر مەكتەبىندە (RSIS) قازاقستاننىڭ سينگاپۋرداعى ەلشىسى ۇسەن سۇيلەيمەننىڭ RSIS ماگيسترلەرى مەن دوكتورانتتارىنا جانە اكادەميالىق توپتار وكىلدەرىنە ارنالعان پرەزيدەنت نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىنىڭ نەگىزگى ەرەجەلەرى, سونداي-اق قازاقستانداعى كونستيتۋتسيالىق رەفورمالار مەن ءۇشىنشى جاڭعىرۋدىڭ باسىمدىقتارى تۋرالى لەكتسياسى ءوتتى.
ۇسەن سۇلەيمەن قازاقستان تاۋەلسىزدىگىنىڭ 25 جىلىندا اۋقىمدى قاجىرلى جۇمىس جاسالعانىن, سونىڭ ارقاسىندا ەل الەمنىڭ 50 دامىعان ەلىنىڭ قاتارىنا قوسىلعانىن اتاپ ءوتتى. ول اۋديتورياعا «قازاقستان 2050» ستراتەگياسىنىڭ نەگىزگى اسپەكتىلەرى, سونداي-اق ەلدىڭ ءالىمنىڭ 30 دامىعان ەلىنىڭ قاتارىنا قوسىلۋىن كوزدەيتىن جۇزەگە اسىرىلىپ جاتقان كونستيتۋتسيالىق رەفورمالار جانە قازاقستاننىڭ ءۇشىنشى جاڭعىرۋى تۋرالى مالىمەت بەردى. قازاقستان پرەزيدەنتىنىڭ باعدارلامالىق ماقالاسىنا سايكەس اتالعان «اۋقىمدى وزگەرىستەر وزىق رۋحاني جاڭعىرۋمەن سۇيەمەلدەنۋى ءتيىس. وعان قوسا, ەڭ ماڭىزدىسى رۋحاني جاڭعىرۋ ساياسي جانە ەكونوميكالىق جاڭعىرۋدى تولىقتىرىپ قاناي قويماي, ونىڭ وزەگى بولماق».