ەلىمىزدىڭ نەگىزگى زاڭىندا ومبۋدسمەننىڭ مارتەبەسىن ورنىقتىرۋ تۇرعىسىندا ادام قۇقىقتارىن قورعاۋ جانە كوتەرمەلەۋمەن اينالىساتىن (پاريج قاعيدالارى) ۇلتتىق مەكەمەلەردىڭ مارتەبەسىنە قاتىستى ونىڭ پرينتسيپتەرىنە تولىق سايكەس كەلەتىن, ومبۋدسمەن ينستيتۋتىنىڭ ەلەۋلى ىلگەرىلەۋىنە وتىرىسقا قاتىسۋشىلار ەرەكشە ءمان بەردى.
ساراپتامالىق كەڭەستىڭ مۇشەلەرى ادام قۇقىقتارى جونىندەگى ۋاكىلدىڭ قىزمەتى مەن نورماتيۆتىك-قۇقىقتىق بازاسىن «قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ نورمالارىنا سايكەس كەلتىرۋدىڭ نەگىزگى اسپەكتىلەرىن تالقىلادى. وتىرىسقا قاتىسۋشىلار, سونداي-اق, قازاقستانداعى ادام قۇقىقتارى جونىندەگى ۋاكىل ءوز قىزمەتىندە ادام قۇقىقتارى مەن بوستاندىقتارىن قورعاۋ, قالپىنا كەلتىرۋ جانە ناسيحاتتاۋدىڭ ءتيىمدى تەتىگى رەتىندە مەملەكەتتىڭ زاڭدى قۇرىلىمىندا ماڭىزدى ورىنعا يە ەكەنىن اتاپ ءوتتى. بۇل رەتتە, ومبۋدسمەن قىزمەتىن رەتتەيتىن نورماتيۆتىك-قۇقىقتىق بازانى نىعايتۋ ادام قۇقىقتارى سالاسىنداعى حالىقارالىق ۇدەرىستەرگە تولىققاندى قاتىسۋعا ءمۇمكىندىك بەرەدى.
جۇمىس قورىتىندىسى بويىنشا ساراپتامالىق كەڭەس مۇشەلەرى مۇددەلى مەملەكەتتىك ورگاندارعا جىبەرىلەتىن نورماتيۆتىك-قۇقىقتىق بازانى جاقسارتۋ جونىندە ۇسىنىستار پاكەتىن ازىرلەدى, دەپ حابارلادى قازاقستان رەسپۋبليكاسىنداعى ادام قۇقىقتارى جونىندەگى ۋاكىلدىڭ ء باسپاسوز قىزمەتى.