نۇرسۇلتان نازارباەۆ بەيبىتشىلىك جانە كەلىسىم سارايىندا قازاقستان حالقى اسسامبلەياسىنىڭ XXV سەسسياسى باستالار الدىندا جاس ءانشى ديماش قۇدايبەرگەنوۆپەن كەزدەستى.
قازاقستان پرەزيدەنتى اڭگىمە بارىسىندا د.قۇدايبەرگەنوۆتى قىتايدا وتكەن حالىقارالىق بايقاۋداعى جەڭىسىمەن قۇتتىقتاپ, وعان باق-بەرەكە جانە زور شىعارماشىلىق تابىس تىلەدى.
– سەنىڭ بويىڭدا ايرىقشا دارىن بار. سونى ساقتاي ءبىل. مەن سەنىڭ بولاشاعىڭنىڭ جارقىن بولۋىن تىلەيمىن. حالقىڭا قىزمەت ەتۋ جولىندا قۋاتىڭ سارقىلماعاي. سەنى قازىر بارلىق جەرگە شاقىرىپ جاتىر. سول ءۇشىن ساعان مىقتى دەنساۋلىق كەرەك, – دەگەن ەلباسى جاس دارىنعا باتاسىن بەردى.
د.قۇدايبەرگەنوۆ مەملەكەت باسشىسىنا كورسەتكەن قولداۋى ءۇشىن العىسىن ءبىلدىرىپ, ءوزىنىڭ الداعى جوسپارلارى جونىندە ايتتى.
كەزدەسۋ سوڭىندا قازاقستان پرەزيدەنتى جاس ءانشىنىڭ شىعارماشىلىق جولىندا جاڭا جەتىستىكتەرگە جەتۋىنە تىلەكتەستىك ءبىلدىردى.
سۋرەتتەر پرەزيدەنتتىڭ ءباسپاسوز
قىزمەتىنەن الىندى