«اۋىل شارۋاشىلىعى مينيسترلىگىنىڭ مالىمەتى بويىنشا ءبىزدىڭ وبلىسىمىزدا سۋ باسۋ قاۋپى تۋىنداۋدا. بۇعان سەبەپ, شاردارا مەن كوكساراي سۋ قويمالارى سۋعا تولىپ, تاۋلى ايماقتارداعى جاۋىن-شاشىن سالدارىنان جوعارىدان وتە كوپ مولشەردەگى سۋدىڭ كەلۋى. الدىن الا ەسەپتەمەلەر بويىنشا سىرداريا وزەنى ارناسىمەن 30 ساۋىردە 1600 تەكشە مەتر مول سۋدىڭ كەلەتىنى انىقتالىپ وتىر. بۇل ادەتتەگىدەن ەكى ەسە كوپ. وسىعان وراي, جۇمىلدىرۋ جانە توتەنشە جاعدايلار قىزمەتتەرى, قالا مەن اۋدان اكىمدىكتەرىنىڭ قابىلداعان شارالارى ناتيجەسىندە داريادان وسى كولەمدەگى سۋدى قاۋىپسىز وتكىزۋ قاجەت», - دەدى وبلىس اكىمى.
سونىمەن قاتار, وبلىس اكىمى 15 مامىرعا دەيىن جاۋىن-شاشىننىڭ كوپ كولەمدە بولۋ بولجامىنا سايكەس سۋ مولشەرى سەكۋندىنا 1800-2000 تەكشە مەترگە دەيىن ءوسۋى مۇمكىن ەكەنىن ايتا كەلىپ, الداعى مىندەت وسى مول سۋدى شىعىنسىز وتكىزۋ دەدى.
مۇنان سوڭ وبلىس اكىمىنىڭ ورىنباسارلارى سەرىك قوجانيازوۆ پەن سەرىك سۇلەيمەنوۆ, قالا مەن اۋدان اكىمدەرى, جاۋاپتى مەكەمە باسشىلارى, ارداگەر ماماندار وڭىردەگى احۋال تۋرالى پىكىر-ۇسىنىستارىن باياندادى.
جيىن قورىتىندىسى بويىنشا وبلىس اكىمى ق.كوشەرباەۆ وبلىس بويىنشا سۋ باسۋ قاۋپىنە بايلانىستى توتەنشە جاعدايدىڭ الدىن الۋ شارالارىن جاريالادى. حالىقتىڭ قاۋىپسىزدىگىن قامتاماسىز ەتۋ ءۇشىن بارلىق مۇمكىندىكتى پايدالانا وتىرىپ, جۇمىلا جۇمىس ىستەۋگە شاقىردى. جاۋاپتى تۇلعالارعا ناقتى تاپسىرمالار بەردى. مول سۋدى قاۋىپسىز وتكىزۋدى قامتاماسىز ەتۋ وبلىس اكىمىنىڭ ورىنباسارلارى سەرىك قوجانيازوۆ پەن سەرىك سۇلەيمەنوۆكە, اۋداندار مەن قالا اكىمدەرىنە, جۇمىلدىرۋ جانە توتەنشە جاعداي مەملەكەتتىك ورگاندار باسشىلارىنا جۇكتەلدى.