ال 2017 جىلدىڭ قورىتىندىسىمەن وڭىردەگى 57 ەلدى مەكەن نەمەسە 99,5 مىڭ ادام تابيعي گازبەن قامتىلىپ, وبلىستاعى گازداندىرىلعان اۋىل, ايماقتار سانى 357-گە (42,3 %), ياعني, 1 854 807 تۇرعىنعا (65,3 %) جەتەتىن بولادى.
مۇنان بولەك, وسى جىلى «گازلي-شىمكەنت» ماگيسترالدى گاز قۇبىرى بويىنان قازىعۇرت اۋدانىنا «شاناق» اۆتوماتتاندىرىلعان گاز تاراتۋ ستانتسياسى ء(ارى قاراي اگتس) جانە شاردارا اۋدانىنا №18 «شاردارا» اگتس قۇرىلىستارى جۇرگىزىلۋدە. نىسانداردى 2018 جىلدىڭ اياعىندا پايدالانۋعا بەرۋ جوسپارلانعان. بۇل ءوز كەزەگىندە اتالعان اۋدانداردى تولىعىمەن گازداندىرۋعا جول اشادى.
ايتا كەتەيىك, وبلىس تابيعي گازبەن وزبەكستان رەسپۋبليكاسىنان كەلەتىن «گازلي-شىمكەنت» جانە وتاندىق «بەينەۋ-بوزاي-شىمكەنت» ماگيسترالدى گاز قۇبىرلارىنان قامتاماسىز ەتىلەدى. تابيعي گازعا جىلدىق قاجەتتىلىك ورتاشا 1 ملرد.م3 قۇرايدى.
سوڭعى 8 جىلدا تابيعي گازبەن قامتىلماعان 203 ەلدى مەكەن قوسىمشا گازداندىرىلىپ, جالپى وبلىستاعى 844 ەلدى مەكەننىڭ 300 (35,5%) ەلدى مەكەنى نەمەسە 1 755 307 تۇرعىنى (61,8 %) تابيعي گازبەن قامتاماسىز ەتىلگەن.
وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىمەن وبلىستىڭ ەلدى مەكەندەرىن 2017-2020 ج.ج. ارالىعىندا گازداندىرۋدىڭ كەشەندى ءىس-شارا جوسپارى ازىرلەندى. جوسپارعا سايكەس, 2021 جىلعا قوسىمشا 383 ەلدى مەكەندەردى (960 195 حالىق) گازداندىرۋ جوسپارلانعان. ناتيجەسىندە 2020 جىلدىڭ قورىتىندىسىمەن گازداندىرىلعان ەلدى مەكەندەر سانىن 683 ەلدى مەكەنگە (80,9 % ە.م.) نەمەسە 2 715 501 (95,6 %) حالىققا جەتكىزۋ كوزدەلىپ وتىر. جالپى وسى باعىتقا 2016 جىلى رەسپۋبليكالىق جانە وبلىستىق بيۋجەتتەن 13,7 ملرد.تەنگە (رب-420,0 ملن.تڭ, وب-13,3 ملرد.تڭ) ءبولىنىپ, 25 ەلدىمەكەن گازداندىرىلعان.