«ءبىز مادەنيەتىمىزدى بۇكىل الەمگەن كورسەتۋىمىز قاجەت. قازاقستاندىقتاردىڭ ۇزدىك شىعارمالارىن وقۋى, ءبىلۋى ءۇشىن بۇۇ-نىڭ التى تىلىنە اۋدارۋ كەرەك. ماسەلەن, م.اۋەزوۆتىڭ «اباي جولىن», ءا.نۇرپەيىسوۆتىڭ «قان مەن تەرىن» جانە باسقا دا شىعارمالاردى اۋدارۋعا بولار ەدى», - دەدى ەلباسى.
مەملەكەت باسشى بۇل ماسەلەنى تاياۋدا قالامگەرلەرمەن كەزدەسۋى بارىسىندا تالقىلاعاندىعىن, ولاردىڭ قولداۋ كورسەتكەندىكتەرىن باسا ايتتى.
«ۇزدىگىن تاڭداۋ بارىسىندا پروبلەمانىڭ تۋىندايتىندىعى دا شىندىق. ويتكەنى, بىزدە جامان جازۋشى جوق. ارقايسىسى وزىنشە ۇلى. وسى رەتتە مەنىڭ ويىما مىنا ءبىر انەكدوت ءتۇسىپ وتىر. ستالينگە كەلگەن بەريا: «جولداس ستالين, شولوحوۆ قاتتى ىشەدى. سيمونوۆ قىدىرىمپاز», دەيدى. سونىمەن قاتار, بىرنەشە جازۋشىنىڭ اتىن اتايدى. ال وعان ستالين: «جولداس بەريا, مەندە باسقا جازۋشىلار جوق قوي», دەپتى. ياعني, ولار كىم بولسا دا ءبىز كوميسسيا ارقىلى ءارتۇرلى ەتنوستار وكىلىنىڭ ۇزدىك شىعارمالارىن ىرىكتەپ الۋىمىز جانە بۇكىل الەمگە كورسەتۋگە تىرىسۋىمىز كەرەك», - دەدى نازارباەۆ.