وسىعان وراي, دەپۋتاتتار نازارىنا جەرگىلىكتى ءوزىن-ءوزى باسقارۋدى دامىتۋ ماسەلەلەرى بويىنشا زاڭ جوباسى ەكىنشى وقىلىمدا ۇسىنىلماق.
سونداي-اق, وسى كۇنى بىرقاتار راتيفيكاتسيالىق زاڭ جوبالارى تالقىلاناتىن بولادى. ولار 1996 جىلعى 18 قازانداعى رەسەيمەن تەمىر جول كولىگى كاسىپورىندارىنىڭ, مەكەمەلەرى مەن ۇيىمدارىنىڭ قىزمەتىن قۇقىقتىق رەتتەۋدىڭ ەرەكشەلىكتەرى تۋرالى كەلىسىمگە وزگەرىستەر ەنگىزۋ تۋرالى ۇكىمەتارالىق حاتتامانى جانە قىرعىز رەسپۋبليكاسىمەن رەادميسسيا تۋرالى كەلىسىمدى جانە ونى ىسكە اسىرۋ ءتارتىبى تۋرالى ۇكىمەتارالىق اتقارۋ حاتتاماسىن راتيفيكاتسيالاۋعا قاتىستى بولماق.
جالپى وتىرىستا قىرعىز رەسپۋبليكاسىمەن ەۋرازيالىق ەكونوميكالىق ينتەگراتسيا جاعدايىندا ەكونوميكالىق ىنتىماقتاستىقتى دامىتۋ تۋرالى ۇكىمەتارالىق كەلىسىمدى, سەربيامەن سوتتالعان ادامداردى بەرۋ تۋرالى جانە ۇستاپ بەرۋ, سونداي-اق, قىلمىستىق ىستەر بويىنشا قۇقىقتىق كومەك تۋرالى شارتتاردى راتيفيكاتسيالاۋعا بايلانىستى زاڭ جوبالارى بويىنشا بەيىندى كوميتەتتەرگە قورىتىندى ازىرلەۋ مەرزىمى تاعايىندالاتىن بولادى.
بيۋرو وتىرىسىندا 3-5 مامىردا سولتۇستىك قازاقستان وبلىسىندا قارجى جانە بيۋدجەت كوميتەتىنىڭ كوشپەلى وتىرىسىن وتكىزۋ تۋرالى ماسەلە دە قارالدى.