مەملەكەت باسشىسى قازاقستان رەسپۋبليكاسى مەملەكەتتىك كۇزەت قىزمەتىنىڭ بارلىق قىزمەتكەرلەرى مەن ارداگەرلەرىن ارناۋلى مەملەكەتتىك ورگاننىڭ قۇرىلۋىنىڭ 25 جىلدىعىمەن قۇتتىقتاپ, پرەزيدەنتتىك وركەستردىڭ كاسىبي دەڭگەيىنىڭ جوعارى ەكەنىن اتاپ ءوتتى.
ەلباسى مەملەكەتتىك كۇزەت قىزمەتى قازاقستان پرەزيدەنتىنىڭ, ەلىمىزدىڭ باسقا دا لاۋازىمدى تۇلعالارىنىڭ, شەتەلدىك دەلەگاتسيالار باسشىلارىنىڭ جانە مەملەكەتتىك ماڭىزى بار نىسانداردىڭ قاۋىپسىزدىگىن ەڭ جوعارى دەڭگەيدە قامتاماسىز ەتۋشى كاسىبي مەملەكەتتىك ورگان بولىپ سانالاتىنىن ايتتى.
مەملەكەتتىك كۇزەت قىزمەتى قازاقستان رەسپۋبليكاسى پرەزيدەنتىنىڭ 2014 جىلعى 21 ساۋىردەگى جارلىعى بويىنشا پرەزيدەنتتىڭ كۇزەت قىزمەتى مەن ۇلتتىق ۇلاننىڭ قوسىلۋى ناتيجەسىندە قۇرىلدى. قازاقستان تاۋەلسىزدىك العاننان بەرى بۇل مەملەكەتتىك ورگان قالىپتاسىپ, نىعايا ءتۇستى.
مەرەكەلىك كونتسەرت باعدارلاماسى قازاقستاننىڭ تاۋەلسىزدىگىنە جانە ەلدىڭ بۇگىنگە دەيىنگى جەتىستىكتەرىنە ارنالعان.
قازاقستان رەسپۋبليكاسى مەملەكەتتىك كۇزەت قىزمەتىنىڭ پرەزيدەنتتىك وركەسترى قازاقستاننىڭ حاتتامالىق, ديپلوماتيالىق, مەملەكەتتىك جانە باسقا دا سالتاناتتى ءىس-شارالارىنا اتسالىسادى. بۇل شىعارماشىلىق ۇجىم ءوز رەپەرتۋارىندا فولكلوردان باستاپ, كلاسسيكالىق جانە اكادەميالىق مۋزىكالار مەن قازىرگى زامانعى كومپوزيتورلار تۋىندىلارىنا دەيىنگى الەمدىك مۋزىكا مادەنيەتىنىڭ بارلىق جانرىن قامتيدى.
سۋرەتتەر پرەزيدەنتتىڭ ءباسپاسوز
قىزمەتىنەن الىندى