ەمحاناعا مىندەتتى الەۋمەتتىك مەديتسينالىق ساقتاندىرۋ بويىنشا جاپپاي تىركەلۋ دەنساۋلىق ساقتاۋ قىزمەتكەرلەرى تاراپىنان جۇرگىزىلگەن ءتۇسىندىرۋ جۇمىستارىنىڭ ناتيجەسىندە قول جەتكىزىلىپ وتىر. سالا ماماندارى وسى سوڭعى ەكى اپتادا اۋلا اۋلالاردى ارالاپ 500 مىڭنان استام تۇرعىندى قامتىعان كەزدەسۋلەر وتكىزىپ, ءاربىر تۇرعىنعا ءوزى تاڭداعان جانە تۇرعىلىقتى مەكەنىنە مۇمكىندىگىنشە جاقىن ورنالاسقان ەمحاناعا بارىپ تىركەلۋى كەرەكتىگىن ايتىپ جەتكىزدى.
ءتۇسىندىرۋ جۇمىستارى بۇدان ءارى دە جالعاسىن تاپپاق. ويتكەنى, وسى جىلدىڭ 1 شىلدەسىنەن ءاربىر ازامات ساقتاندىرۋ قورىنا جارنا تولەۋگە مىندەتتى. ەگەر جارنا تولەنبەگەن جاعدايدا مەملەكەت تەگىن مەديتسينالىق كومەكتىڭ كەپىلدى تۇرىنە عانا كەپىلدىك بەرەدى. بۇگىن وسى اكتسيا بارىسىندا وبلىس اكىمىنىڭ ورىنباسارى باۋىرجان جامالوۆ شىمكەنت قالالىق №3 ەمحاناعا بارىپ تىركەلىپ, مارتەبەسىن انىقتادى. سونىمەن قاتار, ول ەمحانانىڭ تىنىس-تىرشىلىگىمەن تانىسىپ, وڭتۇستىك قازاقستاندىقتاردى 31 ماۋسىمعا دەيىن ەمحانالارىنا بارىپ تىركەلىپ, مارتەبەلەرىن انىقتاۋعا شاقىردى.
«بۇعان دەيىن مەن الماتى قالاسىندا تۇرعانمىن. قازىر قىزمەت بارىسىمەن شىمكەنتكە قونىس اۋدارۋىما بايلانىستى وسى ەمحاناعا تىركەلدىم. ەش قيىندىعى جوق, وزدەرىڭىز كورگەندەي بارلىق جاعداي جاسالعان. ەلىمىزدە كەلەر جىلدان باستاپ مىندەتتى الەۋمەتتىك مەديتسينالىق ساقتاندىرۋ تۋرالى زاڭ كۇشىنە ەنە باستايدى. سوعان بايلانىستى ءاربىر قازاقستاندىقتىڭ مارتەبەسىن انىقتاۋ ماڭىزدى. سول ماقساتتا ەلىمىزدە 5 ساۋىردەن باستاپ, «ەمحاناعا تىركەل دە ءمامس جۇيەسىندەگى ءوز مارتەبەڭدى انىقتا!» اكتسياسى ءجۇرىپ جاتىر. وسى مۇمكىندىكتى پايدالانىپ, وڭتۇستىك قازاقستاندىقتاردى ءوزى تاڭداعان ەمحاناعا تىركەلۋگە شاقىرامىن», – دەدى ب.جامالوۆ.