ەرنار باعىتجان ۇلى 1974 جىلى 25 قازاندا قاراعاندى قالاسىندا تۋعان. 1996 جىلى ە.ا.بوكەتوۆ اتىنداعى كاراعاندى مەملەكەتتىك ۋنيۆەرسيتەتىن «ەكونوميكا» ماماندىعى بويىنشا بىتىرگەن.
ەڭبەك جولىن 1996 جىلى قاراعاندى قالاسىنداعى حالىق بانكىنىڭ لەنين اۋداندىق فيليالىندا باقىلاۋشى-كاسسير بولىپ باستاعان.
1997-2007 جىلدار ارالىعىندا قازاقستان رەسپۋبليكاسى مەملەكەتتىك كىرىس مينيسترلىگى كەدەن كوميتەتىنىڭ كەدەندىك راسىمدەۋدى باقىلاۋدى ۇيىمداستىرۋ ءبولىمىنىڭ جەتەكشىسى, باس ينسپەكتورى, باستىعى لاۋازىمىن اتقاردى.
2008-2012 جىلدار ارالىعىندا «ساۋدا ساياساتىن دامىتۋ ورتالىعى» اق سىرتقى ساۋدا ساياساتىن جانە ساۋدانى دامىتۋدى تالداۋ دەپارتامەنتىنىڭ باس ساراپشىسى, ديرەكتوردىڭ ورىنباسارى, ديرەكتورى بولىپ جۇمىس ىستەدى.
2012 جىلدان 2017 جىلعى ساۋىرگە دەيىن قازاقستان رەسپۋبليكاسى ۇلتتىق ەكونوميكا مينيسترلىگى حالىقارالىق ەكونوميكالىق ينتەگراتسيالار دەپارتامەنتىنىڭ ديرەكتورى بولدى.
«قازاقستان رەسپۋبليكاسىنىڭ تاۋەلسىزدىگىنە 20 جىل» مەرەيتويلىق مەدالىمەن (2011), «ەرەن ەڭبەگى ءۇشىن» مەدالىمەن (2014), «قازاقستان رەسپۋبليكاسىنىڭ تاۋەلسىزدىگىنە 25 جىل» مەرەيتويلىق مەدالىمەن (2016) ماراپاتتالعان.
ۇيلەنگەن, ەكى بالاسى بار.
ەسكە سالا كەتسەك, وسى قىزمەتتى 2008 جىلدان بەرى اتقارعان رۋسلان دالەنوۆ قر ۇلتتىق ەكونوميكا ءبىرىنشى ۆيتسە-ءمينيسترى بولىپ تاعايىندالدى.
بارلىق قۇقىقتار قورعالعان. inform.kz بەلسەندى سىلتەمەنى پايدالانىڭىز http://www.inform.kz/kz/ernar-bakenov-kr-ulttyk-ekonomika-vice-ministri-bolyp-tagayyndaldy_a3019530