ساۋالنامادا شىعارىلاتىن ونىمدەر ىشكى نارىق پەن سىرتقى نارىققا قانشالىقتى شىعارىلاتىنى انىقتالعان. زەرتتەۋ قورىتىندىسى بويىنشا ونىمدەردى سىرتقى نارىققا شىعارۋ ايتارلىقتاي تومەن.
ەلىمىزدەگى كاسىپكەرلەردىڭ 73% ونىمدەرىن تەك وزدەرى تۇراقتاعان وڭىرلەرگە عانا وتكىزەدى. ال كاسىپكەرلەرلىڭ 16,1% ونىمدەرىن ەلىمىزدەگى كورشىلەس وڭىرلەرىنە جەتكىزەدى, ال 8,1% بۇكىل قازاقستانعا تاراتادى.
وتاندىق كاسىپكەرلەردىڭ شامامەن 3% عانا جاقىن جانە الىس شەت ەلگە, ونىڭ ىشىندە ەاەو ەلدەرىنە ەكسپورتتايدى.
رەسەي فەدەراتسياسىمەن شەكارالاس ءوڭىردىڭ, اتاپ ايتقاندا قوستاناي, پاۆلودار مەن سولتۇستىك قازاقستان وبلىستارى كاسىپكەرلەرىنىڭ ەاەو ەلدەرىنە ەكسپورتتاۋى وزگە وڭىرلەرمەن سالىستىرعاندا جوعارىراق. قوستاناي وبلىسى كاسىپكەرلەرىنىڭ 2,5% قازاقستان مەن ەاەو ەلدەرىنە ەكسپورتتاسا, سولتۇستىك قازاقستان وبلىسىندا – 2,6%, ال پاۆلودار وبلىسى كاسىپكەرلەرىنىڭ 3,5% ەاەو ەلدەرىنە شىعادى.
الايدا, اقتوبە مەن باتىس قازاقستان وبلىستارى كاسىپكەرلەرىنىڭ ەاەو ەلدەرىنە ەكسپورتقا شىعۋ كورسەتكىشى 1%-دان تومەن. جاقىن شەت ەلدەرگە ەكپورتتاۋ كورسەتكىشى استانا قالاسى, شىعىس-قازاقستان, قاراعاندى, پاۆلودار وبلىستارىندا جوعارى. ال الىس شەتەلگە ونىمدەرىن جەتكىزەدە اقتوبە (4,1%) مەن جامبىل (2,3%) وبلىسى بەلسەندى. ال ۇشتىكتى شىعىس قازاقستان وبلىسى ءتامامدايدى. بۇل وبلىستاعى كاسىپكەرلەردىڭ 1,4% الىس شەتەلگە ەكسپورتقا شىعادى.