يسپانيانىڭ «رەال مادريد» فۋتبول كلۋبى مەن برازيليا قۇراماسىنىڭ قورعاۋشىسى مارسەلو الماتىدا فۋتزالدان وتەتىن ۋەفا كۋبوگىنىڭ تورتتىك فينالىندا سىنعا تۇسەتىن الماتىلىق «قايرات» كلۋبىن قولداپ, ءوزىنىڭ Instagram پاراقشاسىندا بەينەۇندەۋ جولدادى.
«سالەم, مەنىڭ اتىم مارسەلو. مەن فۋتزالدان ۋەفا كۋبوگىنىڭ تورتتىك فينالىندا الماتىلىق «قايرات» فۋتزال كلۋبىنا جانكۇيەر بولامىن. ءسىز شە؟ العا, «قايرات», – دەيدى مارسەلو.
الەمنىڭ ۇزدىك قورعاۋشىلارىنىڭ ءبىرى مارسەلو مەن قازاقستان ۇلتتىق قۇراماسى جانە «قايرات» كلۋبىنىڭ قاقپاشىسى يگيتا ەكەۋى جاقىن دوس. مارسەلو 2015 جىلى پورتۋگاليادا وتكەن ۋەفا كۋبوگىنىڭ تورتتىك فينالىندا دا «قايرات» فۋتزال كلۋبىن قولداپ, ليسسابونعا ارنايى بارعان بولاتىن.
ايتا كەتەيىك, برازيليالىق قورعاۋشى فۋتبولداعى كارەراسىن توعىز جاسىندا فۋتزالدان باستاعان.
ءالي بيتورە,
«ەگەمەن قازاقستان»