حالىقارالىق جەكە قۇقىق ءجونىندەگى گااگا كونفەرەنتسياسىنىڭ ماقساتى حالىقارالىق جەكە قۇقىقتىڭ ەرەجەلەرىن بىرتە-بىرتە ۋنيفيكاتسيالاۋعا ۇمتىلۋ بولىپ تابىلادى. ونىڭ قۇرامىنا 79 ەل مەن ەۋروپالىق وداق ەنىپ, 80 ءمۇشەگە جەتتى.
بۇگىنگى تاڭدا گااگا كونفەرەنتسياسىنىڭ اياسىندا 39 كونۆەنتسيا جاسالعان بولسا, ءبىزدىڭ ەلىمىز ولاردىڭ 8-ءىن راتيفيكاتسيالادى.
گااگا كونفەرەنتسياسىنا ءمۇشە بولۋى قازاقستان قۇقىق ءجۇيەسىنىڭ الەمدىك ستاندارتتاردى ەسكەرە وتىرىپ, ودان ءارى دامۋىنا, قازاقستاندىق ازاماتتاردىڭ شەت ەلدەردەگى مۇددەلەرى مەن قۇقىقتارىنىڭ قورعالۋ تيىمدىلىگىن ارتتىرۋعا ىقپال ەتەدى. جانە دە قازاقستانعا ورتاق ىستەر مەن ساياسات ءجونىندەگى كەڭەسكە قاتىسۋعا, كونۆەنتسيا جوبالارىن ازىرلەۋ ءۇشىن ارنايى كوميسسيالار جۇمىسىنا قاتىسۋعا نەمەسە گااگا كونفەرەنتسياسى جۇمىسىنىڭ اياسىندا حالىقارالىق جەكە قۇقىقتىڭ بارلىق ءماسەلەلەرىن زەردەلەۋگە, گااگا كونۆەنتسياسىنا ۇيلەستىرۋدى تالداۋ بارىسىندا گااگا كونفەرەنتسياسى مەن ونىڭ مۇشەلەرىنىڭ ساراپتامالىق (تەحنيكالىق) كومەگىن الۋعا نەمەسە وزگە گااگا كونۆەنتسيالارىنا قوسىلۋدىڭ تيىمدىلىگى ماسەلەلەرىن قاراستىرۋعا ءمۇمكىندىك بەرەدى.
زاڭ جوباسى پالاتا قاراۋىنا جىبەرىلدى.