جيىندا ەلباسىنىڭ تىكەلەي تاپسىرماسىمەن 2012 جىلى قۇرىلعان باسقارمانىڭ اتقارعان جۇمىستارى ايتىلىپ, جاستاردىڭ الەۋەتىن جۇزەگە اسىرۋ ءۇشىن جاسالىپ جاتقان جاڭا مۇمكىندىكتەر جايلى ءسوز قوزعالدى.
بۇگىنگى كۇندە قاراعاندى وبلىسىندا 14-28 جاستاعى 304 269 جاس تۇرادى ەكەن. بۇل – وبلىس حالقى سانىنىڭ 22 پايىزىن قۇرايدى دەگەن ءسوز. قازىرگى تاڭدا وبلىستا جاستاردىڭ 19 رەسۋرستىق ورتالىعى قىزمەت اتقارادى. قاراعاندى وبلىسىنىڭ جاستار ساياساتى ماسەلەلەرى جونىندەگى باسقارماسىنىڭ باسشىسى ميراس قۇتتىبايدىڭ ايتۋىنشا, «جاسىل ەل», «ديپلوممەن – اۋىلعا!», «جاستار تاجىريبەسى», «سەرپىن-2050» جوبالارى تابىستى جۇزەگە اسۋدا. جاستار رەسۋرستىق ورتالىعى جانىندا بالالار ءۇيىنىڭ تۇلەكتەرى ءۇشىن الەۋمەتتىك بەيىمدەۋ قىزمەتى جۇمىس ىستەيدى. وسى باعىتتا 753 قۇقىقتىق جانە 159 پسيحولوگيالىق كەڭەستەر قىزمەتى كورسەتىلىپ, 58 ترەنينگ وتكەن. قاراعاندى, تەمىرتاۋ قالالارىنداعى بالالار ۇيلەرىندە 27 رەت كەزدەسۋ ۇيىمداستىرىلىپ, 700 ادامنىڭ قاتىسۋىمەن 150 ساباق وتكىزىلگەن. بۇقار جىراۋ اۋدانىنىڭ كەرنەي كەنتىندەگى مەكتەپ-ينتەرناتتا «ءومىر مەكتەبى», «تابىسقا جەتەر جول» جوبالارى جۇمىس ىستەۋدە.
بالالار ۇيلەرى تاربيەلەنۋشىلەرىنىڭ بوس ۋاقىتتارىن ۇيىمداستىرۋ جانە قىلمىستىڭ الدىن الۋ جۇمىستارىنا 986 ادام جۇمىلدىرىلعان. جاستاردى جۇمىسپەن قامتۋ جۇيەلى تۇردە قولعا الىنعان. اتاپ ايتقاندا, «جۇمىسپەن قامتۋدىڭ جول كارتاسى-2020» باعدارلاماسى اياسىندا, «جاستار تاجىريبەسى» جوباسى ارقىلى وبلىس بويىنشا 1204 جاس جۇمىسقا ورنالاسقان. ولاردىڭ ورتاشا ەڭبەكاقىسى 51 مىڭ 264 تەڭگەنى قۇراعان. سونىمەن قوسا, جۇمىسسىز جاستارعا جارمەڭكە ۇيىمداستىرىلىپتى. ناتيجە جوق ەمەس. كاسىپكەرلىككە بەت بۇرعان جاستاردىڭ سانى ارتقان. جىل سايىن اۋىلدىق جەرلەردەگى جاس كاسىپكەرلەرگە وبلىس اكىمىنىڭ گرانتى تابىستالىپ كەلەدى. 2005-2016 جىلدار ارالىعىندا 30 ملن تەڭگە گرانت بەرىلىپ, اقتوعاي, بۇقار جىراۋ, شەت, وساكاروۆ اۋداندارىندا جاس ازاماتتار ءوز كاسىبىن اشقان.
تۇرعىن ۇيمەن قامتاماسىز ەتۋ ماقساتىندا بىرقاتار شارۋا اتقارىلعان. بيىلعى جىلى قاراعاندى قالاسىنداعى بەلينسكي كوشەسىندە 108 پاتەرلىك ءۇي, قارقارالىدا 12 جالدامالى پاتەر, جالپى العاندا, 144 ارەندالىق تۇرعىن ءۇي پايدالانۋعا بەرىلگەن. 2014-2016 جىلدارعا ارنالعان جەتىم جانە اتا-انانىڭ قامقورلىعىنسىز قالعان بالالاردى تۇرعىن ۇيمەن قامتۋ بويىنشا كەشەندى جوسپار جاسالىپ, 316 پاتەر بولىنگەن.
جالپى, جاستار ساياساتىن ىسكە اسىرۋ ءۇشىن بيىلعى جىلى وبلىس بويىنشا 88 ملن تەڭگەدەن استام قارجى قاراستىرىلعان.
ميراس اسان,
«ەگەمەن قازاقستان»
قاراعاندى وبلىسى