قالا اكىمى باۋىرجان بايبەك فورۋم بارىسىندا الماتىنىڭ ەلىمىزدىڭ قارجى-ەكونوميكالىق جانە مادەني-ءبىلىم ورتالىعى ەكەنىن, ورتا ازيا ءوڭىرىنىڭ ەكونوميكاسىندا ماڭىزدى ورىن الاتىنىن اتاپ ءوتتى.
«الماتى قالاسى قىتايعا, ەاەو-عا جانە ورتا ازياعا ساۋدا جولىن اشادى. ءبىز 86 تاۋارلىق قاعيدانى انىقتادىق, ونىڭ باسىم كوپشىلىگىن يمپورت قۇرايدى, سول ارقىلى ءبىز جاڭا وندىرىستەر اشامىز. الماتى – ۇلى جىبەك جولى بويىنداعى بولاشاعى زور قالا, سوندىقتان وعان ينۆەستيتسيا ءبولۋ وتە ءتيىمدى», – دەدى ب.بايبەك.
قالا اكىمى بۇعان مىسال رەتىندە بولات ونىمدەرىن شىعاراتىن ەلىمىزدەگى العاشقى جاپوندىق «Tokyo Rope Almaty» زاۋىتىنىڭ ىسكە قوسىلۋى ەكىجاقتى ىنتىماقتاستىقتىڭ ناتيجەسى ەكەندىگىن ايتتى. قازاقستاندا مۇنداي زاۋىتتىڭ اشىلۋى ءونىمنىڭ وزىندىك قۇنىن جاپونياداعىدان 40% -عا تومەندەتتى.
ءوز كەزەگىندە سينگاپۋر رەسپۋبيۋليكاسىنىڭ دەنساۋلىق ساقتاۋ, كوممۋنيكاتسيا مەن اقپارات جونىندەگى مەملەكەتتىك ءمينيسترى چي حۋن تات ينۆەستيتسيا قۇيۋ ءۇشىن سينگاپۋر دەلەگاتسياسى قازاقستاننىڭ ءترانزيتتى جانە كولىكتىك الەۋەتىن سارالايتىنىن ايتتى.
«ءبىز قازاقستاندى ورتا ازيا مەن ەۋرازيالىق ەكونوميكالىق وداق ەلدەرى نارىعىنا جول اشاتىن ماڭىزدى حاب رەتىندە كورەمىز. ەكى ەلدىڭ ءوزارا ىنتىماقتاستىعى اياسىندا جاقسى مۇمكىندىكتەرگە قول جەتكىزۋگە بولادى», – دەپ اتاپ ءوتتى چي حۋن تات.
«سينگاپۋردە جۇمىس ىستەگىسى كەلەتىن كەز-كەلگەن بيزنەسمەن الدىنا وراسان جوسپارلار مەن رەفورمالاردى قويىپ وتىرعان قازاقستاننىڭ زور ماڭىزى مەن ءمانىن جاقسى ءبىلۋى ءتيىس. وسىنىڭ بارلىعى سىزدەردى ۇلى جىبەك جولى مەن ەاەو-نى دامىتۋ بارىسىندا زور جەتىستىكتەرگە جەتكىزەتىنىنە سەنىمدىمىن. ءبىز ءۇشىن قازاقستان وسى وڭىردە بيزنەسپەن اينالىسۋدىڭ ماڭىزدى ارىپتەسى بولىپ تابىلادى», – دەدى سينگاپۋر رەسپۋبليكاسىنىڭ ساۋدا, يندۋستريا جانە ۇلتتىق دامۋ مەملەكەتتىك ءمينيسترى.
ءدال وسى كۇنى شەتەلدىك ينۆەستيتسيالاردى تارتۋعا, جاڭا تەحنولوگيالاردى ەنگۋزىگە, قازاقستاندىق تاۋارلاردى وتكىزۋگە ىقپال ەتىپ, كەڭ جول اشاتىن «الماتى» اكك-نىڭ قازاقستاندىق – ازيالىق – تنىنىقمۇحيتتىق پالاتاعا ەنۋى تۋرالى كەلىسىمگە قول قويىلدى.