تاسقىن سۋ ايماقتاعى ەلدى مەكەندەردە ورنالاسقان 36 ءۇي مەن اۋلالارعا جايىلعان بولاتىن. اپاتتى جاعدايدىڭ الدىن الۋ مەن شۇعىل ۇيىمداستىرۋ جۇمىستارى دەر كەزىندە ءجۇرگىزىلگەندىكتەن, بۇگىندە تۇرعىندار ءوز ۇيلەرىنە ورالا باستادى.
جالپى, وڭىردە سوڭعى كەزدەرى كۇن كۇرت جىلىپ, قاردىڭ ەرۋى جەدەلدەگەن. سونىڭ سالدارىنان جامبىل اۋىلىنا تاسقىن قاۋپى ءتونىپ تۇر. ەرىگەن قار سۋى مۇندا 22 ءۇي مەن اۋلا ءىشىن باسىپ قالدى. اعىن سۋ, سونداي-اق, 4 ءوتكىزۋ كانالىنىڭ 200 مەتردەي تۇسىن جارىپ ءوتكەن. قازىر سۋ سورۋ جانە ونى قاۋىپسىز جەرمەن اعىزۋ جۇمىستارى جالعاسۋدا.
جەرگىلىكتى تۇرعىنداردى الدىن الا حابارلاندىرۋ مەن قاۋىپ-
ءسىز جەرگە كوشىرۋ جۇمىستارى دا ۋاقتىلى جۇرگىزىلىپ, ورىن الۋى مۇمكىن قاۋىپ-قاتەر كولەمى ازايدى. بۇگىندە سۋ باسقان ايماقتاردا توتەنشە جاعدايلار ءجونىندەگى قۇرىلىمداردىڭ ماماندارى مەن جەرگىلىكتى جەردىڭ پوليتسەيلەرى, ءتيىستى مەكەمەلەردىڭ وكىلدەرى قاۋىپسىزدىك شارالارىنا جۇمىلدىرىلعان.
كەشە قوستاناي وبلىسىنىڭ اۋماعىنا جامبىل وبلىسىنىڭ جەدەل-قۇتقارۋ قىزمەتى كومەككە كەلگەندىگىن دە ايتا كەتەيىك.
ءنازيرا جارىمبەتوۆا,
«ەگەمەن قازاقستان»
قوستاناي وبلىسى