جيىنعا وبلىس اكىمى جانسەيىت تۇيمەباەۆ, ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى عالىمقايىر مۇتانوۆ پەن اتالعان ۋنيۆەرسيتەت جانىنداعى 10 عىلىم ينستيتۋتىنىڭ عالىمدارى, وڭىردەگى جوعارعى وقۋ ورىندارىنىڭ عالىمدارى مەن ونەركاسىپ سالاسىنىڭ ماماندارى قاتىستى.
پرەزيدەنتتىڭ بيىلعى جولداۋىندا «وندىرىسكە يننوۆاتسيالار ەنگىزۋ» تاپسىرماسى مەن كەشەگى «بولاشاققا باعدار: رۋحاني جاڭعىرۋ» ماقالاسىندا ايتىلعان يدەيالاردى جۇزەگە اسىرۋدا وڭتۇستىكتە قازاق ۇلتتىق ۋنيۆەرسيتەتى عالىمدارى 40-قا جۋىق جوباسى ۇسىنىلعان يننوۆاتسيالار كورمەسى مەن بۇگىنگى دوڭگەلەك ۇستەل وسى تاپسىرمانى جۇزەگە اسىرۋداعى باستاما بولىپ وتىر.
ءاربىر مەملەكەتتە عىلىم مەن ءبىلىمنىڭ وندىرىسپەن بايلانىسى جاقسى بولعان جەردە سول ەلدىڭ ەكونوميكاسى داميتىنىن ايتقان ايماق باسشىسى قازاق ۇلتتىق ۋنيۆەرسيتەتىمەن بايلانىستى نىعايتۋ قاجەتتىگىن اتاپ ءوتتى.
«ءال-فارابي ۋنيۆەرسيتەتىمەن ءبىز ەكى جاعىنان تىعىز بايلانىسا الامىز. ءبىرىنشىسى قازاق ءبىلىمى مەن عىلىمىنىڭ ەلىمىزدەگى قارا شاڭىراعى بولسا, ەكىنشى جاعىنان ءال-ءفارابيدىڭ تۋعان جەرى وڭتۇستىك قازاقستان وبلىسى. وسى جاعىنان ءبىز بىرلەسىپ جۇمىس اتقارىپ ەلىمىزدىڭ ەكونوميكاسىنىڭ دامۋىنا سۇبەلى ۇلەس قوسۋىمىز قاجەت. بۇگىن وسى ماقساتتا ۋنيۆەرسيتەتپەن ىنتىماقتاستىق تۋرالى مەموراندۋمعا وتىرامىز. وسىنىڭ اياسىندا ءال-ءفارابيدىڭ تۋعان جەرى وتىرار اۋدانىندا جانە تۇركىستان قالاسىندا ارحەولوگيالىق قازبا جۇمىستارىن بىرلەسە وتىرىپ ارى قاراي دامىتۋ. جانە وبلىستا كوپتەگەن جاڭا قالاشىقتار تابىلىپ جاتىر, سولاردىڭ ءبىرى شىمكەنتەگى ابىلاي حاننىڭ ورداسى بولعان «حان قورعان» دەگەن جەر بار, ودان كەيىن ءابۋ ناسىر ءال-ءفارابيدىڭ وسكەن جەرى وتىرار بولسا, تۋعان جەرى «وقسىز» قالاشىعىندا ەشقانداي قازبا جۇمىستارى جۇرگىزىلمەگەن. وسى ارحەولوگيالىق قازبا جۇمىستاردى سىزدەردەگى ماماندارمەن بىرلەسە وتىرىپ جاساۋعا دايىنبىز», - دەدى اكىم.