Vodiymedia.uz (وزبەكستان)
قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ ەل ۇكىمەتىنە قازاق ءالىپبيىن لاتىن ارىپتەرى نەگىزىندە جاساپ شىعۋعا تاپسىرما بەردى.
«ۇكىمەت قازاق ءالىپبيىن لاتىن ارىپتەرى نەگىزىندە جاساپ شىعۋى كەرەك», دەلىنگەن نازارباەۆتىڭ «ەگەمەن قازاقستان» گازەتىندە شىققان اۆتورلىق ماقالاسىندا.
«عالىمدار مەن قوعامدىق تالقىلاۋدان سوڭ, جىل سوڭىنا دەيىن لاتىن ارىپتەرى نەگىزىندە جاسالعان قازاق ءالىپبيىنىڭ جالعىز نۇسقاسىن شىعارامىز. 2018 جىلدان باستاپ جاڭا ءالىپبيدى ۇيرەتەتىن مامانداردى دايىنداۋ جانە ورتا مەكتەپتەر ءۇشىن ارنايى ءپان ەنگىزۋ كەرەك», دەپ ايتتى قازاقستان پرەزيدەنتى.
جاڭا لاتىن الىپبيىنە كوشۋدىڭ العاشقى جىلدارى قازاقستاندا كيريلل جانە لاتىن ارىپتەرى بىرگە قولدانىلا بەرەدى. ءدال بىزدەگى سياقتى قازاقستاندىقتار دا لاتىن گرافيكاسى نەگىزىندەگى الىپبيىنە كەزەڭ-كەزەڭىمەن كوشەدى.
kun.uz (وزبەكستان)
قازاقستان پرەزيدەنتى نۇرسۇلتان نازارباەۆ لاتىن تىلىندەگى قازاق ءالىپبيىن 2017 جىلدىڭ سوڭىنا دەيىن جاساپ شىعارۋ تۋرالى تاپسىرما بەردى. بۇل تۋرالى ەل پرەزيدەنتى «ەگەمەن قازاقستان» گازەتىندەگى ماقالاسىندا ايتتى.
«لاتىن جازۋىنا كوشۋدىڭ ماڭىزى زور. بۇل – زاماناۋي تەحنولوگيالار مەن كوممۋنيكاتسيالاردا باسەكەگە قابىلەتتىلىكتى ارتتىرۋ مەن ءححى عاسىردىڭ ءبىلىم بەرۋ جۇيەسىنە ىڭعايلانۋدىڭ جولى. بالالارىمىز مەكتەپ كەزىنەن-اق اعىلشىن ءتىلى ارقىلى لاتىن ارىپتەرىن ۇيرەنەدى. سول ءۇشىن وسكەلەڭ ۇرپاققا قيىندىق تۋمايدى. 2017 جىلدىڭ سوڭىنا دەيىن عالىمدار مەن قوعامدىق تالقىلاۋدىڭ كومەگىمەن جاڭا ءالىپبيدى قابىلداۋىمىز كەرەك», دەلىنگەن نازارباەۆتىڭ ماقالاسىندا.
قازاقستان پرەزيدەنتىنىڭ ايتۋىنشا, 2018 جىلدان باستاپ جاڭا ءالىپبيدى ۇيرەتەتىن مامانداردى دايىنداۋ جانە ورتا مەكتەپتەر ءۇشىن ارنايى ءپان ەنگىزۋ كەرەك. سونداي-اق, كيريلل جانە لاتىن ارىپتەرى العاشقى ۋاقىتتاردا بىرگە قولدانىلا بەرەدى.
daryo.uz (وزبەكستان)
قازاقستان پرەزيدەنتى نۇرسۇلتان نازارباەۆ ەل ۇكىمەتىنە قازاق ءالىپبيىن اۋىستىرۋ كەستەسىن ءتۇزۋدى تاپسىردى.
«ۇكىمەت قازاق ءالىپبيىن لاتىن ارىپتەرى نەگىزىندە جاساپ شىعۋى كەرەك», دەلىنگەن نازارباەۆتىڭ «ەگەمەن قازاقستان» گازەتىندە شىققان اۆتورلىق ماقالاسىندا.
«2017 جىلدىڭ سوڭىنا دەيىن قازاق ءالىپبيىنىڭ لاتىن تىلىندەگى نۇسقاسىن جاساپ شىعۋىمىز كەرەك. 2018 جىلدان باستاپ جاڭا ءالىپبيدى ۇيرەتەتىن ماماندار دايىندالسىن جانە ورتا مەكتەپتەر ءۇشىن ارنايى ءپان ەنگىزىلسىن. جاقىن ەكى جىلدا ۇيىمداستىرۋ جانە ادىستەمەلىك جۇمىستارىن جۇرگىزۋ كەرەك», دەيدى ن.نازارباەۆ.
Sputniknews-uz.com (وزبەكستان)
قازاقستان پرەزيدەنتى نۇرسۇلتان نازارباەۆ جىل سوڭىنا دەيىن قازاق ءتىلىن لاتىن الىپبيىنە اۋىستىرۋ بويىنشا بىرىڭعاي ستاندارتتار دايىنداۋ تۋرالى تاپسىرما بەردى. ءوزىنىڭ ماقالاسىندا مەملەكەت باسشىسى قازاقستان ۇكىمەتىنە قازاق ءتىلىن لاتىن الىپبيىنە اۋىستىرۋ تۋرالى تاپسىرما جۇكتەدى.
«ءبىز وسى ماقساتتاعى جۇمىستاردى قولعا الامىز. ۇكىمەت قازاق ءتىلىن لاتىن الىپبيىنە اۋىستىرۋ باعدارلاماسىن دايىنداۋى ءتيىس», دەلىنگەن ن.نازارباەۆتىڭ «ەگەمەن قازاقستان» گازەتىندە شىققان ماقالاسىندا.
ماقالادا نازارباەۆ لاتىن الىپبيىنە ءوتۋ باستاماسىن زاماناۋي تەحنولوگيالار مەن كوممۋنيكاتسيالاردا باسەكەگە قابىلەتتىلىكتى ارتتىرۋ مەن ءححى عاسىردىڭ ءبىلىم بەرۋ جۇيەسىنە ىڭعايلانۋدىڭ جولى رەتىندە تۇسىندىرەدى.
«ۇكىمەت قازاق ءتىلىن لاتىن ءالىپبيىنە كوشىرۋدىڭ ناقتى كەستەسىن جاساۋى كەرەك. لاتىنشاعا كوشۋدىڭ تەرەڭ لوگيكاسى بار. بۇل قازىرگى زامانعى تەحنولوگيالىق ورتانىڭ, كوممۋنيكاتسيانىڭ, سونداي-اق ءححى عاسىرداعى عىلىمي جانە ءبىلىم بەرۋ پروتسەسىنىڭ ەرەكشەلىكتەرىنە بايلانىستى. مەكتەپ قابىرعاسىندا بالالارىمىز اعىلشىن ءتىلىن وقىپ, لاتىن ارىپتەرىن ونسىز دا ۇيرەنىپ جاتىر. سوندىقتان, جاس بۋىن ءۇشىن ەشقانداي قيىندىق, كەدەرگىلەر بولماق ەمەس», دەيدى ن.نازارباەۆ.
پرەزيدەنتتىڭ ايتۋىنشا, جاڭا الىپبيگە بەيىمدەلۋ كەزەڭىندە بەلگىلى ءبىر ۋاقىت كيريلليتسا دا قولدانىلا تۇرادى.
Cumhuriyet (تۇركيا)
قازاقستان پرەزيدەنتى نۇرسۇلتان نازارباەۆ ەل ۇكىمەتىنە قازىرگى قولدانىستاعى كيريلل ءالىپبيىن لاتىنعا اۋىستىرۋ تۋرالى تاپسىرما بەردى. نازارباەۆ «ەگەمەن قازاقستان» گازەتىندە جاريالاعان ماقالاسىندا جاڭا ءالىپبيدىڭ بىرىڭعاي ستاندارتىن جىل سوڭىنا دەيىن دايىنداۋدى تاپسىردى.
«2018 جىلدان باستاپ جاڭا ءالىپبيدى ۇيرەتەتىن مامانداردى جانە ورتا مەكتەپتەرگە ارنالعان وقۋلىقتاردى دايىنداۋعا كىرىسۋىمىز قاجەت. الداعى 2 جىلدا ۇيىمداستىرۋ جانە ادىستەمەلىك جۇمىستار ءجۇرگىزىلۋى كەرەك», دەدى مەملەكەت باسشىسى. قازاقستان پرەزيدەنتى العاشقى كەزدەرى قوس ءالىپبيدىڭ قاتار پايدالانىلاتىنىن ايتتى.
بۇدان بۇرىن كسرو قۇرامىندا بولعان ازەربايجان, مولدوۆا, تۇرىكمەنستان مەن وزبەكستان لاتىن الىپبيىنە كوشكەن ەدى. وزبەكستان رەسمي تۇردە لاتىن الىپبيىنە كوشكەنىمەن, كيريلل ارىپتەرى ءالى دە قولدانىستان شىقپاعان. ال قىرعىزستان مەن تاجىكستان كيريلل ارىپتەرىن قولدانۋدا.
Aljazeera Türk (تۇركيا)
كيريلل ارىپتەرىمەن لاتىنعا كوشۋگە دايىندالىپ جاتقان قازاقستان 2018 جىلدان باستاپ مەكتەپ وقۋلىقتارىن لاتىن ارىپتەرىمەن باسپاق. قازاقستان پرەزيدەنتى نۇرسۇلتان نازارباەۆ 2025 جىلعا دەيىن بارلىق كىتاپتاردىڭ, مەرزىمدى باسىلىمداردىڭ جانە رەسمي ءىس قاعازداردىڭ لاتىن الىپبيىنە اۋىساتىنىن مالىمدەدى. سونىمەن قاتار, ول ەل ۇكىمەتىنە لاتىن الىپبيىنە كوشۋ تۋرالى تاپسىرما بەردى.
«ەگەمەن قازاقستان» گازەتىندە جاريالانعان «بولاشاققا باعدار: رۋحاني جاڭعىرۋ» اتتى ماقالاسىندا نازارباەۆ ۇكىمەتكە جىل سوڭىنا دەيىن لاتىنعا كوشۋدىڭ بىرىڭعاي ستاندارتىن دايىنداۋدى تاپسىردى.
ماقالادا مەملەكەت باسشىسى X-XX عاسىرلار ارالىعىندا ەلدىڭ اراب ءالىپبيىن پايدالانعانىن, 1929 جىلدان باستاپ لاتىن ءالىپبيى ەنگەنىن, ال 1940 جىلى كيريلل ارىپتەرىنىڭ قولدانىسقا كىرگەنىن ايتادى.
2017 جىلدىڭ سوڭىنا دەيىن سالا ماماندارىمەن اقىلداسا وتىرىپ, لاتىن الىپبيىنە كوشۋدىڭ بىرىڭعاي ستاندارتىن دايىنداۋدى تاپسىرعان مەملەكەت باسشىسى 2018 جىلدان باستاپ مەكتەپ باعدارلاماسىنا لاتىن ارىپتەرىنىڭ ەنگىزىلەتىنىن ايتتى. الدىن الا جوسپارعا ساي, باستاپقى كەزدە قوس ءالىپبي قاتار قولدانىستا بولماق.
Trt.net.tr (قىرعىزستان)
قازاقستان 1929-1940 جىلدار ارالىعىندا قازاق-لاتىن ءالىپبيىن قولدانعاننان كەيىن كيريلليتساعا وتكەن بولاتىن. قازاقستان پرەزيدەنتى نۇرسۇلتان نازارباەۆ كيريلليتسانى لاتىن تاڭباسىنا اۋىستىرۋ تۋرالى تاپسىرما بەردى. پرەزيدەنت «ەگەمەن قازاقستان» گازەتىندە جاريالانعان ماقالاسىندا جاڭا لاتىن ءالىپبيىنىڭ ۇلگىسى جىلدىڭ سوڭىنا دەيىن دايىندالۋ كەرەكتىگىن ايتتى.
ن.نازارباەۆ: «2018 جىلدان باستاپ جاڭا الىپبيمەن ءبىلىم بەرۋ ءۇشىن ادىستەمەلەر دايىندالىپ, ورتا مەكتەپتەر ءۇشىن لاتىن الىپبيىندە كىتاپتار باسىلىپ, الداعى ەكى جىلدا مەتوديكالىق ىستەر اتقارىلۋى كەرەك», دەپ جازدى.
دايىنداعان
ءالي بيتورە,
«ەگەمەن قازاقستان»