قازاقستان ازاماتتارى, ونىڭ ىشىندە سالىق تولەۋشىلەر 2017 جىلدان باستاپ كولىك سالىعى, جەر جانە م ۇلىك سالىعىنىڭ ەسەپتەۋلەرى تۋرالى اقپاراتتى سالىق ورگانىنىڭ سايتىنان بىلە الادى.
سونىمەن قاتار سالىق تۋرالى اقپارات كوممۋنالدىق قىزمەت تولەمىنىڭ تۇبىرتەگىنە دە جازىلادى, ءتىپتى ەلەكتروندى پوچتا ارقىلى نەمەسە SMS-حابارلاما ارقىلى الۋعا دا بولادى.
مۇنىمەن قوسا, جەكە تۇلعالاردىڭ كولىك, م ۇلىك جانە جەر سالىعىنداعى قارىزى جايلى حابارلامانىڭ جاڭا ءتۇرى ەنگىزىلىپ جاتىر. ال قالىپتى مالىمەتتەرمەن قاتار, قارىزدى تولەۋگە مۇمكىندىك بەرەتىن بانكتىك رەكۆيزيتتەر تۋرالى اقپاراتتار قوسا جولدانادى.
سالىق تولەۋشىلەرگە اقپارات «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى پوچتامەن 10 جۇمىس كۇنىندە جەتكىزىلەدى, سونداي-اق ەلەكتروندى ۇكىمەتتىڭ ۆەب-پورتالىنداعى سالىق تولەۋشىنىڭ جەكە كابينەتىنە جولادانادى. پوشتا ارقىلى ءارى ەلەكتروندى كابينەتكە جولداناتىن حابارلامادا قارىز, ەسەپتەلگەن سالىق سوماسى, سالىق ەسەبىن وتكىزبەۋ مەن تەكسەرۋ جۇرگىزۋدىڭ قورىتىندىسى جايلى مالىمەتتەر بەرىلەدى.
جەكە كاسىپكەرلىكتى تىركەۋ
بيىلعى جىلدان باستاپ جەكە كاسىپكەرلىكتى تىركەۋ حابارلاۋ تارتىبىنە كوشىرىلدى. جەكە كاسىپكەرلىكتى قايتا تىركەۋ دە وسى تارتىپپەن جۇرگىزىلەدى. تىركەۋ مالىمەتتەرى وزگەرتىلگەننەن كەيىن 10 جۇمىس كۇنىنىڭ ىشىندە حابارلامانى مەملەكەتتىك كىرىستەر ورگاندارى مەن «ازاماتتارعا ارنالعان ۇكىمەت» مەملەكەتتىك كورپوراتسياسىنا جولداۋ كەرەك. ال سالىق ورگاندارى قايتا تىركەۋدى ءبىر جۇمىس كۇنى ىشىندە جۇرگىزۋگە مىندەتتى.
سالىقتىق تەكسەرۋ بويىنشا
بۇرىندارى سالىقتىق تەكسەرۋ جۇرگىزىلگەندە ينسپەكتور كۋاگەرلەردى تارتپاۋعا قۇقىعى بولعان, ال 2017 جىلدان باستاپ كۋاگەرلەردى دە تارتۋعا مىندەتتى. مۇنىمەن قوسا, سالىقتىق تەكسەرۋ جۇرگىزۋ ءۇشىن تاعى ءبىر نەگىزدەمە ەنگىزىلدى – سالىق تولەۋشىنىڭ سالىق ورگاندارى بەكىتكەن ءتارتىپتى بۇزعانى تۋرالى حابارلامانى ورىنداماعانىن راستاۋ قاجەت.
قوسىمشا قۇن سالىعىن تولەۋشىلەرگە قاتىستى
ەگەر ققس تولەۋشى ورنالاسقان ورنىندا بولماعان جاعدايدا تۇسىنىكتەمەگە ونىڭ ورنىن راستايتىن قۇجاتتاردىڭ نوتاريۋسپەن بەكىتىلگەن كوشىرمەسى قوسا بەرىلەدى. حابارلامانى تاپسىرىس حاتىمەن نەمەسە ەلەكتروندى پوچتامەن جولداۋعا بولادى.
سالىقتىڭ ارتىق تولەنگەن سوماسىن قايتارۋ
بۇدان بىلاي سالىقتىڭ ارتىق تولەنگەن سوماسىن قايتارۋ كەزىندە سالىق ورگاندارى حرونومەتراجدى تەكسەرۋ جۇرگىزبەيدى. پاتەنت ارقىلى قىزمەت اتقاراتىن سالىق تولەۋشىلەر قولدانۋ كەزەڭىندە پاتەنتتىڭ ءوز باعاسى تومەن بولسا, سومانى ازايتىپ, قوسىمشا ەسەپ وتكىزۋگە جانە ارتىق تولەنگەن سالىقتى قايتارۋعا ءوتىنىش جازۋعا قۇقىعى بار. بۇرىندارى ارتىق تولەنگەن سوما حرونومەتراجدى تەكسەرۋ جۇرگىزىلگەننەن كەيىن عانا قايتارىلىپ كەلگەن. سالىق تولەۋشىلەرگە ىڭعايلى بولۋ ءۇشىن بۇل ءتارتىپ وزگەرتىلدى.
جەر سالىعى مەن م ۇلىك سالىعى بويىنشا
جەر سالىعى مەن م ۇلىك سالىعى بويىنشا مەرزىم ءبىر جىلعا ۇزارتىلدى. سالىق ورگاندارى جەكە تۇلعالار ءۇشىن ەسەپتەۋدى ەسەپتى كەزەڭنەن كەيىنگى جىلدىڭ 1 شىلدەسىنەن كەشىكتىرمەي جۇرگىزەدى. تيىسىنشە, جەكە تۇلعالار بيۋدجەتكە سالىق تولەمىن ەسەپتىك كەزەڭنەن كەيىنگى جىلدىڭ 1 قازانىنان كەشىكتىرمەي تولەۋى كەرەك. وسىلايشا, سالىقتى تولەۋگە, ەسەپتەۋگە ءبىر جىلداي ۋاقىت بار.
ال ورتاق مەنشىكتەگى م ۇلىكتى تىركەۋ كەزىندە وتىنىشتە سالىق تولەۋگە جاۋاپتى تۇلعانىڭ ەسىمىن كورسەتۋ كەرەك.
2018 جىلى جەكە تۇلعانىڭ م ۇلىك سالىعىن باعالاۋ باستالادى. بۇل 2017 جىلدان باستالاتىن مىندەتتەمەلەرگە قاتىستى, سوندىقتان 2018 جىلى سالىق ورگاندارى باعالاۋدى جۇرگىزۋلەرى كەرەك.
ەسەپكە قويۋ جانە ەسەپتەن شىعارۋ
سالىق سالۋ نىساندارى مەن سالىق سالۋمەن بايلانىستى نىسانداردىڭ ورنالاسقان ورنى بويىنشا ەسەپكە قويۋ جانە ەسەپتەن شىعارۋ جويىلدى. بۇل جەكە تۇلعالارعا دا قاتىستى – قۇرىلىسى اياقتالماعان نىساندار جەكە تۇلعالاردىڭ سالىق سالىناتىن نىساندارىنان شىعارىلادى.
مۇنىمەن قوسا, 2017 جىلى ققس تولەۋ بويىنشا ەسەپكە قويۋ تارتىبىندە كەيبىر وزگەرىستەر ورىن الدى. بۇدان بىلاي نوتاريۋسپەن بەكىتىلگەن قۇجاتتاردى بەرۋدىڭ قاجەتى جوق.
ەگەر سالىق تولەۋشى ءوتىنىش بەرۋ كەزىندە سالىق ەسەبىن بەرۋدى توقتاتقان دەپ سانالسا, سالىق ورگانى ققس بويىنشا ەرىكتى ەسەپكە قويۋدان باس تارتا الادى.
سالىق ورگاندارى سالىق تولەۋشىنى حابارلاماستان, سوت شەشىمىنىڭ كۇشىنە ەنۋىن نەگىزگە الا وتىرىپ, ققس بويىنشا ەسەپتەن شىعارۋدى ءبىر جاقتى تارتىپتە جۇزەگە اسىرادى.
بىرىنەن سوڭ ءبىرى بولعان سالىقتىق كەزەڭ كەزىندە وتكىزۋ, ساتىپ الۋ بويىنشا مالىمەت كورىنبەگەن جاعدايداعى ققس بويىنشا ەسەپتەن شىعارۋعا قاتىستى نورما جويىلدى.
اكتسيزدەلگەن تاۋاردىڭ جەكەلەگەن قىزمەت ءتۇرىن اتقاراتىن سالىق تولەۋشى رەتىندە ەسەپكە قويۋ حابارلاندىراتىن تارتىپكە اۋىستىرىلادى. حابارلاما مۇنداي قىزمەتتى ىسكە اسىرۋعا دەيىن 3 جۇمىس كۇنىنەن كەشىكتىرىلمەي بەرىلەدى.
وسى جىلدىڭ شىلدە ايىنان باستاپ سالىقتىق تەكسەرۋ اكتىسىن الدىن الا جاساۋ تاجىريبەسى ەنگىزىلەدى. تەكسەرۋ مەن سوڭعى اكتىنى اياقتاعانعا دەيىن سالىق ورگانىنىڭ مامانى تەكسەرىلەتىن سالىق تولەۋشىنىڭ قولىنا الدىن الا اكتىنى بەرۋ كەرەك. سالىق تولەۋشى كورىپ, قارسىلىعى بولسا, جازباشا تۇردە بەرۋگە قۇقىلى.
شىلدە ايىنان باستاپ قر قارجى مينيسترلىگىنىڭ جانىنان سالىق تولەۋشىلەردىڭ تەكسەرۋ ناتيجەسىنە سالىق تولەۋشىلەر تۇسىرگەن شاعىمداردى قارايتىن اپەللياتسيالىق كوميسسيا جۇمىسىن باستايدى.