لاتىن ءالىپبيىن ۇيرەتۋگە دايىندىقتى كەلەسى جىلدان باستاۋىمىز كەرەك - ەلباسى

بۇگىن «ەگەمەن قازاقستان» گازەتىندە شىققان «بولاشاققا باعدار – ۇلتتىق جاڭعىرۋ» اتتى ماقالاسىندا مەملەكەت باسشىسى لاتىن الىپبيىنە كوشۋدى باستاۋدىڭ ناقتى ۋاقىتى تۋرالى ايتتى. «2025 جىلعا قاراي ءىس قاعازدارىن, مەرزىمدى ءباسپاسوزدى, وقۋلىقتاردى, ءبارىن دە لاتىن الىپ­بيىمەن باسىپ شىعارا باستاۋعا ءتيىسپىز. ول كەزەڭ دە تاياپ قالدى, سوندىقتان ءبىز ۋاقىت ۇتتىرماي, بۇل جۇمىستى وسى باستان قولعا الۋىمىز كەرەك. ءبىز وسىناۋ اۋقىمدى جۇمىستى باستاۋعا قا­جەتتى دايىندىق جۇمىستارىنا قازىردەن كىرى­سەمىز. ۇكىمەت قازاق ءتىلىن لاتىن الىپبيىنە كوشى­رۋ­دىڭ ناقتى كەستەسىن جاساۋى كەرەك» دەدى ول.

ەلباسى لاتىن الىپبيىنە كوشۋدىڭ ماڭىزدىلىعىنا توقتالدى. «لاتىنشاعا كوشۋدىڭ تەرەڭ لوگيكاسى بار. بۇل قازىرگى زامانعى تەحنولوگيالىق ورتا­نىڭ, كوم­مۋنيكاتسيانىڭ, سونداي-اق, ءححى عاسىر­داعى عىلى­مي جانە ءبىلىم بەرۋ پروتسەسىنىڭ ەرەكشە­لىك­تەرىنە بايلانىستى. مەكتەپ قابىرعاسىندا بالالارىمىز اعىلشىن ءتىلىن وقىپ, لاتىن ارىپتەرىن ونسىز دا ۇيرەنىپ جاتىر. سوندىقتان, جاس بۋىن ءۇشىن ەشقانداي قيىندىق, كەدەرگىلەر بولماق ەمەس» دەدى پرەزيدەنت.

نازارباەۆ 2017 جىلدىڭ اياعىنا دەيىن عالىمداردىڭ كومەگىمەن, بارشا قوعام وكىلدەرىمەن اقىلداسا وتىرىپ, قازاق ءالىپبيىنىڭ جاڭا گرافيكاداعى بىرىڭعاي ستاندارتتى نۇسقاسىن قابىلداۋ كەرەكتىگىن ايتتى. «2018 جىلدان باستاپ جاڭا ءالىپبيدى ۇيرەتەتىن مامانداردى جانە ورتا مەكتەپتەرگە ارنالعان وقۋلىقتاردى دايىنداۋعا كىرىسۋىمىز قاجەت. الداعى 2 جىلدا ۇيىمداستىرۋ جانە ادىستەمەلىك جۇمىستار جۇرگىزىلۋگە ءتيىس» دەدى ەلباسى. 

سونىمەن قاتار, جاڭا الىپبيگە بەيىمدەلۋ كەزەڭىندە بەل­گىلى ءبىر ۋاقىت كيريلليتسا ءالفاۆيتى دە قول­دانىلا تۇراتىنىن ايتتى.