«بۇگىندە جۇمىسشى ماماندىعىنىڭ مارتەبەسىن كوتەرۋگە ۇكىمەت تاراپىنان ەرەكشە قولداۋ كورسەتىلىپ وتىر. ويتكەنى, ەلباسىمىز ايتىپ وتكەندەي, ەلدى يندۋستريالاندىرۋعا بايلانىستى جۇمىسشى ماماندىقتارىنىڭ ماڭىزى ارتا تۇسەدى. ەل ەكونوميكاسىنىڭ نەگىزى بىلىكتى مامانداردان, ءوز ءىسىنىڭ شەبەرلەرىنەن قۇرالادى», – دەدى وبلىس اكىمىنىڭ ورىنباسارى.
بيىلعى ايماقتىق چەمپيوناتقا قاتىسۋشىلار «مەحاترونيكا», «ەلەكترمونتاجداۋ جۇمىستارى», «جەلىلىك ءجانە جۇيەلىك اكىمشىلىك», «ءدانەكەرلەۋ تەحنولوگياسى», «كىرپىش قالاۋ», «قۇرعاق قۇرىلىس جانە سىلاق جۇمىستارى», «مەيرامحانالىق سەرۆيس», «اسپازدىق ءىسى», «شاشتاراز ونەرى», «ساندىق باعدارلامالىق باسقارۋ ستانوكتارىنداعى توكارلىق جۇمىستار», «ينجەنەرلىك گرافيكا» CAD (اۆتوماتتاندىرىلعان جوبالاۋ جۇيەسى) ماماندىقتارى بو-يىنشا شەبەرلىكتەرىن ورتاعا سالدى.
شارا سوڭىندا 1,2,3-ورىنداردى يەلەنگەن 33 ءجۇلدەگەردى وبلىستىق ءبىلىم باسقارماسىنىڭ باسشىسى ايجان سادىقوۆا سەرتيفيكاتتارمەن ماراپاتتاپ, بيىل استانادا وتەتىن ەكسپو-2017 حالىقارالىق كورمەسىنە جولداما مەن باعالى سىيلىقتاردى تابىس ەتتى. ءار سالادا توپ جارعان 11 جەڭىمپاز اۋەلى ەلوردادا وتەتىن رەسپۋبليكالىق كەزەڭدە باقتارىن سىنايدى. بۇل سىننان سۇرىنبەي وتكەندەر ابۋ-دابي قالاسىندا وتەتىن حالىقارالىق چەمپيوناتتا ەل نامىسىن قورعايتىن بولادى.
ازامات قاسىم,
«ەگەمەن قازاقستان»
وسكەمەن
سۋرەتتى تۇسىرگەن
عىلىمبەك ءسابيتوۆ