كانادانىڭ مونرەال قالاسىندا وتكەن كەشتە قوس بوكسشى العاش بولىپ شارشى الاڭعا شىقتى. جەكپە-جەك التى راۋندقا ەسەپتەلگەن.
ايقاس باستالا سالىسىمەن وتانداسىمىز شابۋىلعا ۇمتىلىپ, مەكسيكالىقتى قىسپاققا الۋمەن بولدى. ءبىرىنشى راۋندتا-اق قارسىلاسىن ەكى مارتە نوكداۋنعا ءتۇسىردى. ەكىنشى راۋندتا وسى كورسەتكىشىن قايتالادى. ابىلايحاننىڭ كەزەكتى سوققىلارىنان كەيىن كريستيان ءتورتىنشى رەت نوكداۋن الىپ, ورنىن كوتەرىلە الماي قالدى.
25 جاستاعى قۇسايىنوۆ وسىمەن التىنشى جەكپە-جەگىن وتكىزىپ, بارىندە جەڭىسكە جەتتى. ونىڭ بەسەۋىن مەرزىمىنەن بۇرىن اياقتادى. كاسىپقوي بوكستا دەبيۋتىن 2015 جىلى قىتايدا وتكىزسە, قالعانى كانادادا ۇيىمداستىرىلدى. ال 30 جاستاعى اررازولا 13 جەكپە-جەگىندە ەسە جىبەرىپ وتىر. سونداي-اق, 23 رەت جەڭىسكە جەتىپ (16 نوكاۋت), ەكەۋىندە تەڭ تۇسكەن.
ايتا كەتەيىك, مونرەالداعى بوكس كەشىنىڭ باستى جەكپە-جەگىندە ءبىرىنشى جارتىلاي ورتا سالماقتاعى قازاقستاندىق باتىر جۇكەمباەۆ مەكسيكالىق كوسمەن ريۆەرانى جەڭىپ, IBO International بەلبەۋىنىڭ يەگەرى اتاندى.