سول ساۋالعا جۋىردا مينيستردەن جاۋاپ كەلدى. وندا قازاقستانداعى تسيرك ونەرىنىڭ دامىپ كەلە جاتقانىنا بيىل 47 جىل بولاتىندىعىن ايتا كەلىپ, ونىڭ ماماندارىن ج.ەلەبەكوۆ اتىنداعى رەسپۋبليكالىق ەسترادالىق تسيرك كوللەدجى دايىنداپ جاتقانىن ايتىپتى. ءوزىنىڭ 50 جىلدىق ءومىرىندە بۇل وقۋ ورنى 360 مامان دايىنداپ شىعارعان ەكەن. ال 2009 جىلدان باستاپ ت.جۇرگەنوۆ اتىنداعى قازاق ۇلتتىق ونەر اكادەمياسى «تسيرك رەجيسسۋراسى» دەگەن ماماندىق بويىنشا جوعارى ءبىلىمدى ماماندار دايىنداۋدى قولعا الىپتى. وسى جاعى بولماسا, تسيرك ونەرىنە جوعارى ءبىلىمدى بولۋدىڭ ءتىپتى, ءمىندەتتى دە ەمەس ەكەنىن دەپۋتاتقا جاۋاپ استارلاپ بەرىلگەن سياقتى.
سەناتور ءالي بەكتاەۆتىڭ جەرگىلىكتى پوليتسيا قىزمەتىندەگى ولقىلىقتارعا نازار اۋدارىپ, پرەمەر-مينيسترگە جولدانعان ساۋالى «ەگەمەندە» جاريالانعان. جۋىردا سول ساۋالعا جاۋاپ كەلىپ, وندا بىلاي دەلىنىپتى: «قازىرگى ۋاقىتتا, مەملەكەت باسشىسىنىڭ تاپسىرماسىنا سايكەس, مۇددەلى مەملەكەتتىك ورگاندار جپق جۇمىسىنا تۇراقتى تۇردە مونيتورينگ جۇرگىزۋدە جانە قىزمەتتىڭ قالىپتاسۋىنا قاراي ەلىمىزدىڭ وڭىرلەرىندە قۇقىقتىق ءتارتىپ پەن قوعامدىق قاۋىپسىزدىكتى قامتاماسىز ەتۋ سالاسىندا ونىڭ فۋنكتسيالارى مەن وكىلەتتىكتەرىن ودان ءارى جەتىلدىرۋ جونىندە شارالار قابىلدانادى.
ۇكىمەتتىڭ 2017 جىلعى ءبىرىنشى جارتى جىلدىققا ارنالعان جۇمىس جوسپارىندا جپق جۇمىسىن ۇيىمداستىرۋدى جەتىلدىرۋ جانە تيىمدىلىگىن ارتتىرۋ ءجونىندەگى ءىس-شارالار كوزدەلگەن».
سونداي-اق, سەناتور مۇرات باقتيار ۇلىنىڭ اڭ مەن قۇستاردى اتۋعا شەكتەۋ شارالارىنىڭ قاراستىرىلۋ تيىمدىلىگى تومەن ەكەندىگى ايتىلىپ, دابىل كوتەرگەن ساۋالى دا جاريالانعان ەدى. وعان پرەمەر-مينيستردەن مىناداي جاۋاپ كەلدى: «ۇكىمەتتىڭ جاۋابى ءمۇددەلى مەملەكەتتىك ورگاندارمەن قارالىپ, پىسىقتالعاننان كەيىن ۇسىنىلادى.
پارلامەنت ماجىلىسىندە قارالىپ جاتقان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە وسىمدىكتەر جانە جانۋارلار دۇنيەسىنىڭ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭى جوباسىنىڭ شەڭبەرىندە اڭشىلىق شارۋاشىلىعى سۋبەكتىلەرىنىڭ جابايى جانۋارلاردى ەرiكسiز جانە جارتىلاي ەرiكتi جاعدايلاردا ءوسiرۋىن ىنتالاندىرۋعا باعىتتالعان نورمالار قاراستىرىلعانىن حابارلايمىن».