اتموسفەرالىق اعىمداردىڭ وتۋىنە بايلانىستى ەلىمىزدە اۋا رايى قۇبىلمالى بولادى, تەك رەسپۋبليكانىڭ باتىسىندا جانە ورتالىعىندا كۇن اشىق. كەي جەرلەردە جەل كۇشەيىپ, تۇمان تۇسەدى. ال سولتۇستىكتە جانە شىعىستا كوكتايعاق ءارى بۇرقاسىن ساقتالادى, دەپ حابارلايدى «قازگيدرومەت».
سولتۇستىك قازاقستان, پاۆلودار, شىعىس قازاقستان وبلىستارىنىڭ كەي جەرلەرىندە كوكتايعاق, تۇمان, 15-20 م/س جىلدامدىقپەن جەل سوعادى. سولتۇستىك قازاقستان وبلىسىنىڭ كەي جەرلەرىندە بۇرقاسىن كۇشەيۋى مۇمكىن.
قوستاناي, اقمولا وبلىستارىنىڭ كەي جەرلەرىندە تۇمان ءتۇسىپ, سەكۋندىنا 15-20 مەتر جىلدامدىقپەن جەل سوعادى. تۇندە قوستاناي وبلىسىنىڭ كەي جەرلەرىندە بۇرقاسىن, كوكتايعاق بولادى.
وڭتۇستىك قازاقستان وبلىسىنىڭ كەي جەرلەرىندە 15-20 مەتر جىلدامدىقپەن جەل سوعىپ, تۇندە جەكەلەگەن اۋداندارىندا تۇمان ءتۇسۋى مۇمكىن.
الماتى, جامبىل, قىزىلوردا, ماڭعىستاۋ, باتىس قازاقستان, اقتوبە, قاراعاندى وبلىستارىنىڭ كەي جەرلەرىندە دە تۇمان باسۋى مۇمكىن. تۇندە جامبىل وبلىسىنىڭ كەي جەرلەرىندە جەل سەكۋندىنا 15-20 مەترگە دەيىن كۇشەيەدى.