– وسى كەزدەسۋ بارىسىندا ايماقتاعى مەملەكەتتەردىڭ ءوزارا ىنتىماقتاستىعىنىڭ جاي-كۇيى تالقىلاندى. بىرلەسكەن جۇaمىستاردى ودان ءارى جالعاستىرۋ شارالارى دا نازارعا الىندى. كەزدەسۋگە قاتىسۋشىلار قازىرگى تاڭدا ورىن الىپ وتىرعان داعدارىستاردىڭ شيەلەنىسۋى مەن جاڭا قاۋىپ-قاتەرلەر پايدا بولىپ جاتقاندا شانحاي ىنتىماقتاستىق ۇيىمىنىڭ ءرولى ارتا تۇسەتىنىن ەرەكشە اتاپ ءوتتى, – دەدى ۆلاديمير جۇماقانوۆ.
قاۋىپسىزدىك كەڭەستەرى حاتشىلارى وسى كەزدەسۋدە تەرروريزم, سەپاراتيزم, ەكسترەميزم, ترانسۇلتتىق ۇيىمداسقان قىلمىس, زاڭسىز كوشى-قون, قارۋ-جاراق پەن ەسىرتكى اينالىمىنا قارسى باعىتتالعان شارالاردى ودان ءارى جالعاستىرۋ تۋرالى ۋاعدالاستى.
شىۇ باس حاتشىسى راشيد اليموۆ قازاقستاننىڭ وسى ۇيىمدى نىعايتۋعا زور ۇلەس قوسىپ كەلە جاتقانىن اتاپ ايتتى.
– شانحاي ىنتىماقتاستىق ۇيىمى كەڭىستىگىندەگى قاۋىپسىزدىك دەڭگەيى ايتارلىقتاي جوعارى. بۇل – ۇيىمعا مۇشە مەملەكەتتەردىڭ بەلسەندى ءارى بىرلەسكەن جۇمىس-
تارىنىڭ ناتيجەسى دەپ سانايمىن. سونىڭ ارقاسىندا قازىرگى تاڭدا شىۇ سىرتقى قاۋىپ-قاتەرلەردىڭ ىشكە ەنىپ كەتۋىنە جول بەرمەي, وعان لايىقتى توسقاۋىل قويىپ وتىر. ءبىز قازاقستاننىڭ توراعالىعىمەن وسى تەتىكتىڭ ءتيىمدى جۇمىس ىستەپ تۇرعانىن ايقىن كورىپ وتىرمىز, – دەدى راشيد اليموۆ.
باس حاتشى ايتىپ وتكەندەي, شىۇ-نىڭ باسقا دا حالىقارالىق ۇيىمدارمەن اراداعى ىنتىماقتاستىق بايلانىستارى نىعايىپ كەلەدى. اسىرەسە, بىرىككەن ۇلتتار ۇيىمىمەن قارىم-قاتىناس كۇشەيىپ كەلە جاتقانىن اتاپ وتكەن ءجون. قازاقستاننىڭ بۇل باعىتتاعى جۇمىستارىن بۇۇ باس اسسامبلەياسى دا جوعارى باعالاعان بولاتىن.
ارنۇر اسقار,
«ەگەمەن قازاقستان»