كەشە ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ قازاقستاننىڭ ينۆەستيتسيالىق احۋالىن جاقسارتۋ ماسەلەلەرى بويىنشا دۇنيەجۇزىلىك بانك وكىلدەرىمەن كەزدەسۋ وتكىزدى.
كەزدەسۋ بارىسىندا ينۆەستيتسيالار جانە دامۋ مينيسترلىگىنىڭ دۇنيەجۇزىلىك بانك ساراپشىلارىمەن بىرلەسىپ ءازىرلەگەن 2017-2022 جىلدارعا ارنالعان ينۆەستيتسيالار تارتۋ جونىندەگى قازاقستاننىڭ ۇلتتىق ستراتەگيا جوباسى قارالدى, دەپ حابارلادى پرەمەر-مينيستردىڭ رەسمي سايتى.