راسىمگە قازاقستاننىڭ ۇلىبريتانياداعى ەلشىسى ەرلان ىدىرىسوۆ, بىرىككەن كورولدىكتىڭ ساۋدا جانە ينۆەستيتسيالار مەملەكەتتىك مينيسترى گرەگ حەندس, ۇلىبريتانيانىڭ ەكسپو-2017 ۇلتتىق كوميسسارى چارلز حەندري, پاۆيلوننىڭ باس ديزاينەرى اسيف حان, سونداي-اق, بريتان ۇكىمەتىنىڭ جانە پارلامەنتىنىڭ, ىسكەرلىك جانە ساراپشى توپتارىنىڭ وكىلدەرى قاتىستى.
ۇلىبريتانيا – ءوزىنىڭ ەكسپو-2017 كورمەسىنە قاتىسۋىن العاشقىلاردىڭ قاتارىندا راستاپ, ۇلتتىق كوميسسارىن تاعايىنداعان جانە ءوز پاۆيلونى ديزاينىنىڭ تۇساۋكەسەرىن وتكىزگەن ەلدەردىڭ ءبىرى. بىرىككەن كورولدىكتىڭ بۇل جاھاندىق فورۋمعا قاتىسۋى ونىڭ قازاقستانمەن ۇزاق مەرزىمدى سەرىكتەستىك قۇرۋعا جانە ونى دامىتۋعا بەيىلدىلىگىنىڭ ايعاعى.
ە.ىدىرىسوۆ قازاقستاننىڭ مۇنداي حالىقارالىق كورمەنى وتكىزەتىن ورتا ازياداعى جانە تمد-داعى تۇڭعىش مەملەكەت بولاتىندىعىن اتاپ ءوتتى. ونىڭ ايتۋىنشا, ەكسپو-2017 ءبىزدىڭ ەلىمىز ءۇشىن تاريحتاعى اسا ماڭىزدى جاھاندىق فورۋمداردىڭ ءبىرى بولادى.
ءوز كەزەگىندە بىرىككەن كورولدىكتىڭ ساۋدا جانە ينۆەستيتسيالار مەملەكەتتىك ءمينيسترى, قازاقستان- ۇلىبريتانيا ۇاك تەڭ توراعاسى گ.حەندس ەكى ەل اراسىنداعى قاتىناستاردىڭ جوعارى دەڭگەيدە دامىپ كەلە جاتقاندىعىنا باسا نازار اۋدارىپ, ءىس-شاراعا قاتىسۋشىلاردى وسى جىلعى 13-16 ساۋىردە لوندون الاڭدارىنىڭ ءبىرىندە وتەتىن قازاقستاننىڭ «كەرۋەن-ەكسپو-2017» روۋدشوۋىنا قاتىسۋعا شاقىردى.
سونىمەن بىرگە, ۇلىبريتانيانىڭ ەكسپو-2017 ۇلتتىق كوميسسارى چ.حەندري دە بريتان تاراپى ءۇشىن بۇل كورمە قازاقستانمەن ءجانە كورمەگە قاتىسۋشى وزگە ەلدەرمەن بيزنەس سالاسىنداعى ىنتىماقتاستىقتى دامىتۋعا ارنالعان ايرىقشا مۇمكىندىك ەكەندىگىن تىلگە تيەك ەتتى.
ەكسپو-2017 كورمەسىندەگى بريتاندىق پاۆيلوننىڭ تاقىرىبى – «ءبىز – ەنەرگيامىز». باس ديزاينەر اسيف حاننىڭ شەشىمى بويىنشا بريتاندىق پاۆيلون قازاقتىڭ كيىز ءۇيى پىشىندەس بولاتىن كورىنەدى.