«كوشباسشىلىق جەكە تۇلعاعا قاراتىلىپ ايتىلاتىن قاسيەت بولسا كەرەك. بۇل رەتتە قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ ءومىرى بارشامىزعا ونەگە بولادى دەپ ويلايمىن. ەلباسىنىڭ ساياسي شەشىمدەرى كوشباسشىلىق, كوسەمدىك تۇلعاسىن كورسەتەدى. بۇگىنگى ءبىلىم جارىسىندا جۇزدەن جۇيرىك, مىڭنان مىقتى شىعۋلارىڭىزعا تىلەكتەسپىن», دەدى قازاقستان رەسپۋبليكاسى تۇڭعىش پرەزيدەنتى – ەلباسى كىتاپحاناسى ديرەكتورىنىڭ ورىنباسارى جاپسارباي ءىلياس ۇلى.
قازاقستان جاستارى كونگرەسى – جاستار مەن جاستار ۇيىمدارىنىڭ مۇددەلەرىن قورعاۋ مىندەتىن اتقاراتىن رەسپۋبليكالىق ۇيىم. بۇگىندە كىتاپحانا مەن قازاقستان جاستارى كونگرەسى جاستارمەن جۇيەلى جۇمىس جۇرگىزۋ قىزمەتى اياسىندا ءتۇرلى جوبالاردى جۇزەگە اسىرۋدا. وسى سايىس سونىڭ ءبىر دالەلى ىسپەتتەس.
«بۇل جارىس تەك وقۋشىلاردىڭ ءبىلىمىن سىناۋمەن شەكتەلمەيدى. ولاردىڭ جان-جاقتىلىعىن, تاپقىرلىعىن, شەشەندىگىن تەكسەرەدى. سەبەبى سايىستىڭ اتى ايتىپ تۇرعانداي, كوشباسشى بولۋ ءۇشىن ءبىلىمدى بولۋ جەتكىلىكسىز. ودان بولەك ۇيىمداستىرۋشىلىق, بەلسەندىلىك قابىلەتتىڭ دە قاجەت ەكەنى ءمالىم. قازاقستان جاستارى كونگرەسى – 2001 جىلى تىكەلەي ەلباسىنىڭ تاپسىرماسىمەن قۇرىلعان ەلىمىزدەگى ەڭ ۇلكەن جاستار ۇيىمى. وسى ۋاقىتقا دەيىن جاستاردىڭ قابىلەتىن ارتتىرۋعا, پاتريوتتىق سەزىمىن كۇشەيتۋگە ءوز ۇلەستەرىن قوسىپ كەلەدى», دەدى «قازاقستان جاستارى كونگرەسى» زاڭدى تۇلعالار بىرلەستىگى اتقارۋشى ديرەكتورىنىڭ ورىنباسارى داۋلەت عالىمبەك ۇلى.
«كوشباسشى-2017» سايىسىندا 8-10-سىنىپ وقۋشىلارىنىڭ جالپى ءپاندەر بويىنشا ءبىلىمى, كوشباسشىلىق قابىلەتتەرى سىنالدى. سايىس 4 كەزەڭنەن تۇردى. ولار – ويىن ترەنينگتەرى, ينتەللەكتۋالدى سايىس, جۇرت الدىندا ءسوز سويلەۋ – public speech جانە سۇحبات. سايىس قاتىسۋشىلارىمەن سۇحباتتاسۋ وقۋشىنىڭ ومىرلىك قاعيداسى, وقىعان كىتاپتارى, ءىزدەنىستەرى, جانە سىني ويلاۋ قابىلەتىن ايقىنداۋ ماقساتىندا وتكىزىلدى.
سايىس ناتيجەسى بويىنشا №70 ليتسەي مەكتەبىنىڭ وقۋشىسى ايجان تولەباي جەڭىمپاز اتاندى.
راۋان قايدار, «ەگەمەن قازاقستان»