وتىرىستىڭ اشىلۋىندا «اتامەكەن» ۇلتتىق كاسىپكەرلەر پالاتاسى باسقارماسىنىڭ توراعاسى ابىلاي مىرزاحمەتوۆ ءسوز سويلەپ, تۇركى ەلدەرىنىڭ ساۋدا-ەكونوميكالىق بايلانىستارىن جاقسارتۋدى كوزدەيتىن جاڭاشىلدىقتار, سالاداعى كەدەرگىلەردى تومەندەتۋگە جانە جۇكتەردى جەدەل وتكىزۋگە باعىتتالعان كەدەندىك رەسىمدەۋدەگى وزگەرىستەر جايىندا ايتىپ بەردى. «ءبىز شارامىزدى قازاقستاندىق-تۇركيالىق بىرلەسكەن ساۋدا-ونەركاسىپ پالاتاسىن قۇرۋ تۋرالى مەموراندۋمعا قول قويۋمەن باستادىق. وعان ارىپتەستەرىمىزدىڭ دە قوسىلاتىندىعىنا سەنىمدىمىن. ازەربايجان مەن قىرعىزستانداعى ارىپتەستەرىمىز قوسىلسا, ءبىز بىرلەسە جۇمىس ىستەيتىن بىرىڭعاي پلاتفورما جاسار ەدىك», دەدى ا.مىرزاحمەتوۆ.
«اتامەكەن» ۇكپ باسقارماسىنىڭ توراعاسى پالاتانىڭ قاتىسۋىمەن بارلىق وڭىردە كەدەندىك رەسىمدەۋ ايماعى قۇرىلاتىندىعىن جەتكىزدى. «بۇل تۋرالى شەشىم قابىلداندى. پرەمەر-مينيستر باقىتجان ساعىنتاەۆ وبلىستارعا ۇسىنىس جاساۋدا. كەدەندىك رەسىمدەۋ ايماقتارى ستاندارتقا ساي, بيزنەسكە ىڭعايلى بولۋى ءۇشىن «اتامەكەنگە» قاراماق. ءبىز جەكە ينۆەستورلارمەن بۇل جۇمىستى جۇزەگە اسىرۋىمىز قاجەت. ءناتيجەسىندە پالاتانىڭ بەدەلى مەن ءمۇمكىندىگى كوتەرىلە تۇسەدى», دەدى ابىلاي يسابەك ۇلى. ونىڭ سوزىنە قاراعاندا, ۇكىمەت باسشىسى كەدەن ارقىلى جۇكتەردىڭ جەدەل ءوتۋى جۇمىستارىن جەكە باقىلاۋىندا ۇستاپ وتىر. كەدەندىك كەدەرگىلەردى, اسىرەسە, اقتاۋدا تۇبەگەيلى جويۋ ءجونىندەگى جوسپارعا قول قويىلعان. ءناتيجەسىندە, قۇجاتتار سانى قىسقارتىلىپ, ۆەتەرينارلىق جانە فيتوسانيتارلىق باقىلاۋ جۇزەگە اسىرىلاتىن بولدى. ەڭ ءبىرىنشى كەزەكتە اقتاۋ مەن قورعاستاعى كەدەندىك ينفراقۇرىلىم جاقسارتىلادى.
باسقوسۋدا تۇرىك رەسپۋبليكاسى ساۋدا پالاتاسى مەن تاۋارلى بيرجا وداعىنىڭ پرەزيدەنتى ريفات حيساردجىكلىوگلۋ, ازەربايجان رەسپۋبليكاسى كاسىپكەرلەردىڭ ۇلتتىق كونفەرەنتسياسى پرەزيدەنتى مامەد مۇساەۆ جانە قىرعىز رەسپۋبليكاسى ساۋدا-ونەركاسىپ پالاتاسىنىڭ پرەزيدەنتى مارات شارشەكەەۆ ءسوز سويلەدى. ولار كەڭەس جۇمىسىن, بيزنەستەگى ىنتىماقتاستىق, ەكونوميكالىق باعىتتاردىڭ دامۋىن تالقىلادى.
جيىن بارىسىندا «اتامەكەن» ۇلتتىق كاسىپكەرلەر پالاتاسى باسقارما توراعاسىنىڭ ورىنباسارى نۇرجان التاەۆ ۇلكەن نارىقتارعا شىعۋ ءۇشىن تۇركى ەلدەرىمەن سەرىكتەسۋ ماڭىزدى ەكەنىن اڭگىمەلەدى. «وزبەك, ازەربايجان, قىرعىز جانە تۇرىك ءارىپتەستەرىمىزبەن بارىنشا بايىپتى تۇردە سەرىكتەسۋىمىز قاجەت. اسىرەسە, ءبىزدىڭ ازىرشە تاجىريبەمىز جوق ءبىرقاتار ءونىم تۇرلەرى بويىنشا جۇمىستاردى جانداندىرعان ءجون. ماسەلەن, ءبىز ەشقاشان وندىرمەگەن ءونىم تۇركيادا بار. ءبىز ولارمەن سەرىكتەسىپ, ءتاجىريبەلەرىن, تەحنولوگيالارىن الۋىمىز كەرەك. تۇرىكتەر مۇنداي سەرىكتەستىككە دايىن», دەدى ن.التاەۆ.
پالاتا وكىلىنىڭ سوزىنشە, رەسەي مەن قىتاي سياقتى iرi ەلدەردەن تۇسەتىن سۇرانىستى قاناعاتتاندىرۋ ءۇشىن قازاقستان كورشى ەلدەرمەن بiرiگiپ جۇمىس اتقارعانى ابزال. ايتالىق, قىرعىزستان, وزبەكستان, ازەربايجان جانە تۇركيا مەملەكەتتەرىمەن تiلiمiز ۇقساس, مادەنيەتiمiز, دiنiمiز ءبىر. وسى ەلدەرمەن كووپەراتسيالانىپ, جاقىن iرi نارىقتارعا جول اشۋ كەرەك. «قىتاي مەن رەسەيدەن ازىق-ت ۇلىككە سۇرانىس وتە جوعارى. ال قازاقستان ونى قاناعاتتاندىرا الماي وتىر. سول سەبەپتەن قازاقستان ءتۇركيامەن بiرiگiپ, جوبالار جاساۋدا. سونداي جوبالاردىڭ بiرi – تەرميالىق وڭدەلگەن تاۋىق اياقتارى ءونiمiنiڭ ءوندiرiسi. ءبىز مۇنىمەن قىتاي نارىعىن قامتاماسىز ەتەمىز», دەدى ن.ءالتاەۆ. ونىڭ ايتۋىنشا, جاقىن ارادا تۇركىتىلدەس مەملەكەتتەردىڭ ءىسكەرلىك كەڭەسىنە وزبەكستان دا كىرمەك.
اسحات رايقۇل «ەگەمەن قازاقستان»