BBC World بريتاندىق تەلەكومپانياسى مامىر ايىندا كورەرمەندەرگە قازاقستاننىڭ ءىرى ستراتەگيالىق ينفراقۇرىلىمدىق جوبالارى - «قورعاس» شەكارا ماڭى ىنتىماقتاستىعى حالىقارالىق ورتالىعى, «قورعاس-شىعىس قاقپاسى» ارنايى ەكونوميكالىق ايماعى جانە قۇرعاق پورتى تۋرالى دەرەكتى فيلم كورسەتەدى. بۇل تۋرالى «قازاقپارات» حاا ءتىلشىسى «قورعاس» شىحو» اق ءباسپاسوز قىزمەتىنە سىلتەمە جاساپ حابارلايدى.
ءتۇسىرىلىم توبى ءبىر اپتا بويى الماتى وبلىسى پانفيلوۆ اۋدانىنداعى ءىرى قۇرىلىس تۋرالى ماتەريال جيناقتادى. ەندى ءشولدى جەردە كراندار كوتەرىلىپ, ريچستاكەرلەر (كونتەينەرلەرمەن جۇمىس جاسايتىن جۇك تيەگىشتەر) ءجۇرىپ تۇرۋدا, قازاقستان مەن قىتاي كاسىپكەرلەرى كەلىسسوز جۇرگىزۋدە, مىڭداعان تۋريستەر تاۋار ساتىپ الىپ, تاۋارلىق پويىزدار ءوتىپ جاتىر.
«بۇل فيلمدە جاڭا جىبەك جولىنداعى قۇرىلىستى عانا ەمەس, قورعاستىڭ تىرشىلىگىن كورسەتكىمىز كەلەدى. سوندىقتان, ادامداردىڭ ءومىرى تۋرالى, مۇنداعى وزگەرىستەردىڭ ولاردىڭ ومىرىنە قالاي اسەر ەتكەندىگىن ەستىگىمىز كەلەدى», - دەپ اتاپ ءوتتى جوبا جەتەكشىسى كريس ۆەست.