داڭقتى باتىرلار, ايگىلى اقىندار مەن انشىلەردىڭ ەلى جارما اۋدانىندا بيىل ءبىر ەمەس, بىرنەشە مەرەيتوي. قازاقتىڭ سۋىرىپسالما اقىنى قاليحان التىنباەۆتىڭ − 90, قازاقستاننىڭ حالىق جازۋشىسى, اقىن تۇرسىنحان ءابدىراحمانوۆانىڭ 95 جىلدىعىن تۋعان توپىراعى اتاۋسىز قالدىرماي, اتاپ وتەمىز دەپ وتىر.
− الاشتىڭ اياۋلى اقىندارى قاليحان التىنباەۆ پەن تۇرسىنحان ءابدىراحمانوۆانىڭ مەرەيتويلارىنا وراي, بىرقاتار ءىس-شارالاردى جوسپارلاپ وتىرمىز. اۋدان ورتالىعى − قالباتاۋدا ايتىسكەر اقىننىڭ قۇرمەتىنە اللەيا اشىپ, ەسكەرتكىشىن قويىپ, رەسپۋبليكالىق اقىندار ايتىسىن وتكىزۋ ويىمىزدا بار, – دەيدى اۋدان اكىمى نۇرلان سىدىقوۆ.
سونىمەن قاتار, اۋدان باسشىسى زاڭعار جازۋشى مۇحتار اۋەزوۆتىڭ 120 جىلدىق مەرەيتويىنا وراي جارما اۋدانىنىڭ اۋەزوۆ كەنتىندەگى ءبىر كوشەگە تۇلعانىڭ ەسىمىن بەرىپ, ءمۇسىنىن ورناتۋدى جوسپارلاپ وتىرعاندارىن ايتتى.
ازامات قاسىم,
«ەگەمەن قازاقستان»
شىعىس قازاقستان وبلىسى