قۇلشىنا كىرىسكەن ءىستى از ۋاقىتقا كىدىرتە تۇرۋعا تۋرا كەلدى, وعان توسىن ءبىر جايت سەبەپ بولدى. سول ماڭايدا ءجۇرگەندەر ءبارى العاشقىدا نە ەكەنىنە تۇسىنبەي تاڭىرقاي قاراستى. الدىمەن اڭعارعان تراكتورشى جىگىت بۇل قۇپياسى مول زاتتىڭ تەگىن ەمەس ەكەنىن بىلگەن, سوسىن ءپىشىنى ءبولەكتەۋ قۇمىرانى اقىرىن ۇستاي بەرگەندە بىت-شىتى شىعىپ ءبولىنىپ كەتتى. ءبولىنگەندە دە ۇگىتىلە سىنىپ شاشىلدى دا قالدى.
ارىق قازىپ جۇرگەندە كەزىككەن جۇمباق قۇمىرانىڭ بيىكتىگى 30-35 سانتيمەتردەي ەدى. بۇيىرىنە ءيىلىپ جاسالعان ۇستاعىشى دا وزگەشەلەۋ بولاتىن. ول قۇمىرانى العاش كەزىكتىرگەن كىسى دوعالداۋ ەرنەۋىنە قاراي قول سوزا بەرگەنى سول, ۇگىتىلىپ ءبولىنىپ تۇسكەنى نەسى؟ ۇگىتىلە سىنعان قۇمىرادان ساۋ ەتە ءتوگىلگەن زات جۇگىرە جينالعانداردىڭ كوزدەرىن قارىقتىردى. ىلە, توسىننان تابىلعان قازىنا قويماعا ارحەولوگتار دا جەتتى. قازبا كەزىندە جاي-كۇيى ءبىرسىن-ءبىرسىن انىقتالىپ كەلە جاتتى: ودان تابىلعان كەراميكا سىنىقتارى شىعىس وتىراردا ورنالاسقان, ءحىى-ءحىىى عاسىر قۇرىلىستارى توبىنا جاتاتىن وركەنيەت ورتالىقتارىمەن تىعىز بايلانىستا بولعانىن اڭعارتادى.
«ول تۇستا جۇرت ارىقتىڭ سۋدى وبۋىن قويماعان جەرىنەن بۇرىپ اكەتۋگە ءماجبۇر بولعان ەدى, – دەيدى ءبىر ەستەلىگىندە وزبەكالى ءجانىبەكوۆ. – كەيىننەن ەس بىلگەن شاقتا سول سۋ وبقان جەرىن تالاي ىزدەپ باردىم, تابا المادىم...». بالا كەزىندە وتىرار توبەگە جاقىن قازىلعان تالاپتى ارىعىمەن سۋ ءجىبەرگەندە ءبىر قالتارىستا ارىقتىڭ ۇلتانى وپىرىلىپ ءتۇسىپ, سۋدىڭ جەر استىنا كەتە باستاعانىن ۇلكەندەرگە ەرىپ بارعان وزاعاڭ ءوز كوزىمەن كورگەنىن ايتاتىن ەدى.
«ەجەلگى وتىراردىڭ» قاتپارلى تاريحى سۋرەت بولىپ, كوز الدىڭىزدا تۇرادى.
ساپارباي پارمانقۇلوۆ,
«ەگەمەن قازاقستان»
الماتى
سۋرەتتە: وتىراردان تابىلعان تەڭگە
سۋرەتتى تۇسىرگەن
نۇرمانبەت قيزات ۇلى