قىسى قىتىمىر, ايازدى, اقتۇتەك بورانى ءجيى سوعاتىن سولتۇستىك وڭىردە بيىل قار قالىڭ ءتۇستى. كوكتەم مەزگىلىندە ەرىگەن قالىڭ قار سۋى حالىق تۇرمىسى مەن شارۋاسىنا قاۋىپ توندىرەدى. سول سەبەپتى بيىلعى «ناۋرىز – يگى ىستەر ايى» اكتسياسىن جۇزەگە اسىرۋعا قاتىسقان پاۆلودار اليۋميني زاۋىتىنىڭ ەڭبەككەرلەرى كاسىپورىننىڭ ەڭبەك ارداگەرلەرى, جالعىز باستى زەينەتكەرلەرى مەن كومەككە مۇقتاج جانداردىڭ ءۇي-جايلارى مەن اۋلالارىن قالىڭ قاردان تازالاۋعا كومەكتەستى.
يگىلىكتى اكتسيا شەڭبەرىندە زاۋىتتىڭ جاستار كەڭەسىنىڭ مۇشەلەرى مەن ەڭبەككەرلەرى زەينەتكەرلەر ۇيىندە وتىن جارىپ, سۋ تاسىپ, ءۇي شارۋاسىنا قولعابىس جاسادى.
ناۋرىز ايى بويى جالعاساتىن يگى ىستەر اكتسياسى ادامدارعا قايىرىمدىلىق جاساۋدا تاماشا جوباعا اينالدى دەپ ايتا الامىز.
اقىلبەك ساتىبالدين
پاۆلودار