«ولاردىڭ جىبەك پەن تولەگەندى وينايتىنىن بىلمەدىم»

قايتالانباس سۋرەت­تەرىن كىتاپ قىلىپ شى­عارىپ بەرەمىن دەگەن دەمەۋ­شىلەردەن, ۋادەسى كوپ اكىم-قارالاردان كوڭىلى قالدى ما, سوڭعى ۋاقىتتا بايىرعى قىزىلوردالىق ءفوتوتىلشى ءوزىنىڭ سيرەك فوتولارىن الەۋمەتتىك جەلىلەردە جاريالاۋمەن شەكتەلىپ ءجۇر. ارقايسىسى ءبىر قارالىق كادرلاردىڭ ىشىنەن كوزگە وتتاي باسىلاتىن ساتتەر جارق ەتىپ شىعا كەلەدى. 

سول جىلدارى ونەر مايتالماندارى دەپ ايتۋعا كەل­مەيتىن وندىردەي جاس مەرۋەرت وتەكەشوۆا مەن قۇ­مان تاستانبەكوۆتىڭ قو­ساق­تاسىپ وتىرعان كەزىن فو­تو­تىلشى قالاي تاريحقا اي­نال­دىردى ەكەن؟!

– 1969 جىلى الماتىعا وقۋعا قۇجات تاپسىرۋعا باردىم. ءبىر جاعىنان «قا­زاق ادەبيەتى» مەن «سو­تسياليستىك قازاقستان» («ەگە­مەن قازاقستان») گا­زەت­تەرىنە فوتوەتيۋدتا­رىم بۇرقىراپ كۇندە شى­عىپ جاتقان كەز. سول جىل­دارداعى «سوتسياليستىك قا­زاق­ستاننىڭ» ءفوتوتىلشىسى سيەز باسىبەكوۆكە جولىعىپ, وقۋعا تۇسۋگە كەلگەنىمدى ايتسام. ول كىسى: «ساعان وقۋدىڭ كەرەگى دە جوق. سەن دايىن تۇرعان ءفوتوتىلشىسىڭ. ەلگە قايت!» دەگەنى.

جوعارىداعىداي اڭگى­مەدەن كەيىن وقۋعا تاپسىرۋعا كوڭىل سوقپادى. سودان اۋىلداسىم – «قوعالىكولدەن» شىققان جەرلەس اعام سۇلتان قوجىقوۆقا سالەم بەرىپ كەتەيىن دەپ «قازاقفيلم» كينو­ستۋدياسىنا كەلدىم. سۇل­تان اعام سول جىلى «قىز ءجى­بەكتى» ءتۇسىرىپ جۇرگەن كەزى ەكەن.

سۇلتان اعامىزدىڭ جۇ­مىسى كوپ بولىپ, اقىرى ول كىسىگە جولىعا المادىم. ءسويتىپ, كينوستۋديا­دا ءجۇر­سەم, ءبىر بۇرىشتا اجارلى قىز بەن جىگىت وتە جاراسىپ وتىر. دەرەۋ ەكى رەت فوتوعا شىرتىلداتىپ ءتۇسى­رىپ ۇلگەردىم. ءبىرىنشى كادر­دا مەرۋەرت كوزىن جۇ­مىپ قالىپتى. ەكىنشى كادر­داعى وسى سۋرەت. مەن ول كەز­­دە ەكەۋى­نىڭ جىبەك پەن تولە­­گەندى وينايتىنىن دا, مە­رۋەرت پەن قۇمان ەكەنىن دە ءبىل­گەن جوقپىن, – دەيدى ءفوتوتىلشى.

ايناش ەسالي,

«ەگەمەن قازاقستان»

بولات وماراليەۆ

الماتى