پەتروپاۆل قالاسىندا 400-دەن استام اۋلا بار. جاقسى باستاما جۇرتشىلىق تاراپىنان قولداۋ تاۋىپ, ۇلىستىڭ ۇلى كۇندەرى 600-گە جۋىق قوعامدىق, مادەني-سپورتتىق شارالار قامتىلدى. ءبىر اتاپ وتەرلىگى, حالىقتىق سەرۋەندەر 21 ناۋرىز كۇنى تەاترلاندىرىلعان حورەوگرافيالىق "قوش كەلدىڭ, مەرەيلى ناۋرىز!" قويىلىمىمەن اشىلىپ, ەكى كۇنگە سوزىلدى.
ايماق باسشىسى ق. اقساقالوۆ سولتۇستىكقازاقستاندىقتاردى كوكتەمنىڭ رۋحاني جاڭارۋ مەرەكەسىمەن قۇتتىقتاپ, ءدىني جانە ەتنيكالىق بەلگىلەرىنە قاراماستان بارلىق قازاقستاندىقتاردىڭ ورتاق مەيرامىنا اينالعانىن اتاپ ءوتتى.
ورتالىق الاڭدا 11 كيىز ۇيدەن تۇراتىن ەتنواۋىل ورنالاسىپ, ولاردىڭ قاتىسۋىمەن «ناۋرىز–كوكتەم شۋاعى دەگەن اتپەن كونتسەرتتىك, ويىن-ساۋىق جانە بالالارعا ارنالعان «سالتىمىزدى ساقتايىق!» تانىمدىق باعدارلامالار كورسەتىلدى. ساۋدا ورىندارىندا اۋىل شارۋاشىلىق ونىمدەرى مەن ازىق-ت ۇلىك تاعامدارى ارزان باعامەن ساۋدالاندى. ەتنومادەني بىرلەستىكتەر 15 مەترلىك «دوستىق» داستارحانىن جايىپ, 10 قازان پالاۋ باسىپ, 9 مىڭ باۋىرساق ءپىسىردى. دامدىلىگى ءتىل ۇيىرەتىن تاعامدار تۇرعىندار مەن مەيماندارعا تەگىن تاراتىلىپ, ۇلتتىق اندەر شىرقالدى. دەكوراتيۆتى-قولدانبالى ونەر تۋىندىلارىن ساتىپ الۋشىلار قاتارى دا قالىڭ بولدى. اسىرەسە,وقۋشىلاردىڭ اعاشتان جاساعان بۇيىمدارى اسەمدىگىمەن تاڭقالدىردى. قايىرىمدىلىق اكتسياسى اياسىندا مۇمكىندىگى شەكتەۋلى جاندار, اتا-انانىڭ قامقورلىعىنسىز قالعان بالالار, كوپ بالالى وتباسىلار "نەۆتۋن" اكۆاپاركى مەن اتتراكتسيونداردى تاماشالاۋ مۇمكىندىگىنە يە بولدى. شاعىن ەتنواۋىلدار ىقشاماۋدانداردا, اۋلالاردا, اۋدانداردا بوي كوتەرىپ, ناۋرىز مەرەكەسى بارىنشا ۇلتتىق ناقىشتا كورىنىس تاپتى.
م. قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتى ەلىمىز بويىنشا «ۇلتتىق كيىم» اكتسياسىن ءبىرىنشى رەت قولعا الىپ, بارلىق مەكتەپتەر تاراپىنان كەڭ قولداۋ تاپتى.
مەرەكەلىك شارالار اۋىلداردا دا جالعاسىپ, ساحنالىق, سپورتتىق الاڭدار ۇيىمداستىرىلدى. وسىلايشا كۇن مەن ءتۇن تەڭەسىپ, جەر-دۇنيە جاڭارىپ, ەرەكشە تۇرگە ەنگەن تاماشا مەزگىلدى سولتۇستىكقازاقستاندىقتار دا ءوز مانىندە قارسى الىپ, شىعارىپ سالدى.
ء ومىر ەسقالي, "ەگەمەن قازاقستان"
سولتۇستىك قازاقستان وبلىسى