استانادا ءبىر كۇندىك وقۋ اقىسى بىلتىرعىدان 0,7 پايىزعا قىمباتتاپ, 1731 تەڭگەگە جەتسە, الماتىداعى بۇل كورسەتكىش 9,4 پايىزعا ارزانداپ, 1454 تەڭگەگە ءتۇستى.
ارزانداۋ قارقىنى جاعىنان ەكىنشى ورىنداعى كوكشەتاۋ قالاسىندا بالاباقشا مەن شاعىن ورتالىقتاردىڭ ءبىر كۇندىك قىزمەتى 3,9 پايىزعا ارزانداپ, 562 تەڭگەنى قۇرادى.
قازاقستان بويىنشا ەڭ ارزان بالاباقشا مەن شاعىن ورتالىقتار تاراز قالاسىندا تىركەلدى. ونداعى باعا تاۋلىگىنە 518 تەڭگە. بۇل وتكەن جىلعى كورسەتكىشپەن سالىستىرعاندا 38,1% ارتىق.
جالپى, 2016 جىلى قازاقستان بويىنشا بالاباقشا جانە شاعىن ورتالىقتار قىزمەتى 29,8 پايىزعا قىمباتتاعان.
ال كورسەتىلگەن قىزمەتتىڭ 77,2 پايىزى بيۋدجەت ەسەبىنەن تولەنسە, 22,7 پايىزىن اتا-انالار تولەگەن, ال 0,2 پايىزىنىڭ قۇنىن كاسىپورىندار ءوز موينىنا العان.
مەكتەپكە دەيىنگى وقىتۋ مەكەمەلەرىنىڭ مەنشىك تۇرىنە كەلەر بولساق, ولاردىڭ 73,1%-ى مەملەكەتتىك ۇيىمدار بولسا, 26,7%-ى جەكە مەنشىك كومپانيالار, تاعى 0,2%-ى شەتەلدىك كاسىپورىندار. 2015 جىلعى ستاتيستيكادا مەملەكەتتىڭ ۇيىمدار 76,2 پايىز بولسا, جەكە مەنشىك كومپانيالار 23,5%-دى قۇراعان ەدى. بالاباقشا قىزمەتىنىڭ مەملەكەتتىڭ مەكەمەلەردەن جەكە مەنشىككە اۋىسۋىن ساراپشىلار مەملەكەتتىك-جەكە مەنشىك ارىپتەستىك باعدارلاماسىنىڭ جەمىسى دەپ تۇسىندىرەدى.
جالپى, سوڭعى ءۇش جىلدا بيزنەسمەندەردىڭ بالاباقشا سالاسىنا كوڭىل اۋدارا باستاعانى بايقالادى. سوڭعى ءۇش جىلدا مەملەكەت 40 مىڭ ورىندىق 189 بالباقشا سالسا, كاسىپكەرلەر 100 مىڭ ورىندىق 1,3 مىڭ بالاباقشا مەن شاعىن ورتالىقتار سالعان. سونىڭ ىشىندە ەڭ كوپ بالاباقشا وقو, الماتى وبلىسى مەن قىزىلوردا وبلىسى.