ديماش قۇدايبەرگەن «Singer 2017» جوباسىنىڭ 10-كەزەڭىندە ءۇشىنشى ورىنعا يە بولىپ, بايقاۋدىڭ فينالىنا جولداما الدى, دەپ حابارلايدى قازاقپارات.
ديماش بۇل كەزەڭدە و.بايسەڭگىردىڭ سوزىنە جازىلعان ءوز ءانى «ۇمىتىلماس كۇندى» شىرقاعان بولاتىن. قىتايلىق hupu.com سايتىنىڭ مالىمەتىنشە ديماشپەن بىرگە قىتايلىق ءانشى لين يليان جانە قىتايلىق «ارىستان» توبى اقتىق كەزەڭگە شىققان.
ديماش وسىمەن بايقاۋدىڭ بارلىق ىرىكتەۋ كەزەڭىن ارتتا قالدىرىپ, سوڭعى مەجەگە سۇرىنبەي ءوتتى. فينال ەكى كەزەڭگە ءبولىنىپ, سوڭعى فينال تىكەلەي ەفيردەن كورسەتىلەدى.