كەشە شىعىس قازاقستان وبلىسىنىڭ ءۇرجار اۋدانىنىڭ قوجا اۋىلىنان ۇشىپ شىققان جەكە ادامنىڭ يەلىگىندەگi س-341 تiكۇشاعى اياگوز اۋدانىنىڭ اقشاتاۋ اۋىلىنا قونۋعا ءتيىس بولعان. تiكۇشاقتىڭ ايعىز اۋىلىنىڭ ۇستىنەن ۇشىپ وتكەنىن كورگەن ادامدار بار. الايدا مەجەلى جەرگە جەتپەگەن. ۇشقىش ساعات 18:30-دا بايلانىسقا شىقپاعان. تiكۇشاق ارالىعى 100 شاقىرىمدى قۇرايتىن ايعىز بەن اقشاتاۋ اۋىلدارىنىڭ ورتاسىنداعى اۋماقتا جوعالۋى مۇمكىن دەپ بولجانۋدا.
ءۇرجار مەن اياگوز اۋداندارىنىڭ توتەنشە جاعداي بولىمدەرىنىڭ قىزمەتكەرلەرى قازىرگى ۋاقىتتا جوعالعان تiكۇشاققا ىزدەستىرۋ جۇمىستارىن جۇرگىزۋدە. وبلىس ورتالىعى - وسكەمەننەن دە قۇتقارۋشىلار كومەككە كەلگەن. بۇگىن تاڭەرتەڭ سەمەيدەن مي-17 ماركالى اسكەري تiكۇشاعى مەن وسكەمەننەن مي-8 ماركالى تiكۇشاعىمەن شىعىس قازاقستان وبلىستىق توتەنشە جاعداي دەپارتامەنتى باسشىسىنىڭ ورىنباسارى باستاعان قۇتقارۋشىلار اياگوزگە جەتكەن. وبلىستىق توتەنشە جاعداي دەپارتامەنتى مەن اياگوزدەگi داعدارىس ورتالىقتارىندا جەدەل شتابتار قۇرىلعان. قۇتقارۋ جۇمىستارىنا وبلىستىق توتەنشە جاعداي دەپارتامەنتى مەن وبلىستىق Iشكi iستەر دەپارتامەنتىنىڭ جەكە قۇرامىنىڭ 29 ادامى مەن 4 تەحنيكا جۇمىلدىرىلعان. وبلىستىق توتەنشە جاعداي دەپارتامەنتىنىڭ ءباسپاسوز قىزمەتىنىڭ تاراتقان مالىمەتتەرىنە سۇيەنسەك, تiكۇشاق بورتىندا ءۇش ادام, ياعني, ەكى جولاۋشى مەن بiر ۇشقىش بولعان.
ازامات قاسىم,
"ەگەمەن قازاقستان" وسكەمەن