كەشە جامبىل وبلىسىنىڭ كوكساي شاتقالىندا ءوتىپ جاسقان اسكەري قىزمەتشىلەردىڭ جاۋىنگەرلىك دايارلىق ساباعى كەزىندە قار كوشكىنى بولىپ, 7 جاۋىنگەر قازا تاپتى. قايعىلى وقيعانىڭ ءمان-جايىن انىقتاۋ ءۇشىن پرەمەر-ءمينيستردىڭ تاپسىرماسىمەن قۇرىلعان ۇكىمەت كوميسسياسى بۇگىن جامبىل وبلىسىنا باردى. بۇل تۋرالى ۇكىمەت باسشىسىنىڭ رەسمي سايتى حابارلادى.
ۇكىمەت كوميسسياسىنىڭ قۇرامىنا قورعانىس ءمينيسترىنىڭ ورىنباسارى ت.مۇحتاروۆ, قارجى ۆيتسە-ءمينيسترى ت.ساۆەلەۆا, ىشكى ىستەر ءمينيسترىنىڭ ورىنباسارى يۋ.يلين, ەڭبەك جانە حالىقتى الەۋمەتتىك قورعاۋ ۆيتسە-ءمينيسترى س.جاقىپوۆا, دەنساۋلىق ساقتاۋ ۆيتسە-ءمينيسترى ا.تسوي جانە جامبىل وبلىسى اكىمىنىڭ ءبىرىنشى ورىنباسارى ب.ورىنبەكوۆ كىردى. كوميسسيا مۇشەلەرى وقيعا ورنىندا توتەنشە جاعدايدىڭ سەبەبىن انىقتاپ, قازا تاپقانداردىڭ وتباسىنا كومەك كورسەتۋ جۇمىستارىن ۇيىمداستىرۋمەن اينالىسادى. بۇل ماسەلە پرەمەر-مينيستر باقىتجان ساعىنتاەۆتىڭ جەكە باقىلاۋىندا.