WBO Intercontinental جانە WBA Fedelatin تۇجىرىمدارى بويىنشا ءبىرىنشى ورتا سالماقتا الەم چەمپيونى قانات يسلام اقش-تا روبسون ءاسسيستى جەڭگەننەن كەيىن قانداي بوكسشىلارمەن جەكپە-جەككە شىققىسى كەلەتىنىن ايتتى.
«ەندى كوتتومەن, ساۋل «كانەلو» الۆارەسپەن ايقاسقىم كەلەدى. مەن ۇلكەن جەكپە-جەكتى قالايمىن. WBA رەيتينگىندە ءتورتىنشىمىن, WBO-دا بەسىنشىمىن. كۇندەلىكتى تىنباي جاتتىعىپ ءجۇرمىن», - دەدى تىكەلەي ەفيردە.
ايتا كەتەيىك, بىرەر اي بۇرىن fightnews.com قاناتتىڭ مەكسيكالىق ساۋل الۆارەسپەن ۇرىسى ءوتۋى مۇمكىندىگى حابارلاعان. قوس تاراپ ورتاق كەلىسىمگە كەلگەندە كەزدەسۋ 6 مامىر كۇنى اقش-تىڭ تەحاس شتاتىنداعى 80 مىڭ كورەرمەنگە ارنالعان «داللاس كوۆبويز» ستاديونىندا ۇيىمداستىرىلاتىنى دا ايتىلعان. الايدا, كوپ ۇزاماي «كانەلونىڭ» كىشى چاۆەسپەن ايقاساتىنى بەلگىلى بولدى.