جامبىل وبلىسىنداعى كوكساي شاتقالىندا ءوتىپ جاتقان اسكەريلەردىڭ جاۋىنگەرلىك دايىندىق ساباعى بارىسىندا قار كوشكىنى بولىپ, 7 جاۋىنگەر مەرت بولدى. قورعانىس مينيسترلىگى قايعىلى وقيعاعا قاتىستى رەسمي مالىمدەمە جاسادى.
«جامبىل وبلىسىنداعى كوكساي شاتقالىندا ءوتىپ جاتقان 91678 اسكەري ءبولىمى اسكەري قىزمەتشىلەرىنىڭ جاۋىنگەرلىك دايىندىعى بويىنشا جوسپارلى ساباعى بارىسىندا كۇتپەگەن جەردەن قار كوشكىنى ورىن الدى», – دەلىنگەن رەسمي مالىمدەمەدە.
قازىرگى تاڭدا جامبىل وبلىسى كوكساي شاتقالىنداعى ىزدەستىرۋ-قۇتقارۋ جۇمىستارى اياقتالدى, 16 ادام قۇتقارىلدى. ىزدەستىرۋ ءىس-شارالارىنا قارۋلى كۇشتەردىڭ اسكەري قىزمەتشىلەرى, جامبىل وبلىستىق تجد جەدەل جاساعى, شەكارا قىزمەتىنىڭ اسكەري قىزمەتشىلەرى ارنايى تەحنيكامەن جۇمىلدىرىلدى.
قورعانىس مينيسترلىگىنىڭ باسشىلىعى قازا تاپقانداردىڭ وتباسى مەن تۋىستارىنا قايعىرىپ كوڭىل ايتادى.
پرەمەر-ءمينيستردىڭ قاۋلىسىنا سايكەس, قورعانىس مينيسترلىگىنىڭ باسشىلىعىمەن كوميسسيا قۇرىلدى.