تۋريستەرگە ەڭ ارزان قالالار انىقتالدى

بولگاريا استاناسى سوفيا 2017 جىلى تۋريستەر باراتىن ەڭ ارزان قالا بولىپ تانىلدى. ساراپشىلاردىڭ پىكىرىنشە, سوفيادا ءبىر كۇندىك دەمالىس ورتاشا ەسەپپەن 47,8 دوللارعا شىعادى. وعان قوناقۇيدەن نومەر الۋ, تاماق, كوڭىل كوتەرۋ مەن ءجۇرىس-تۇرىس كىرەدى, دەپ جازادى Hoppa كومپانياسىنىڭ سايتى. ەكىنشى ورىندا كاير (مىسىر). وندا ءبىر ءتۋريستىڭ ءبىر كۇندىك شىعىنى شامامەن 48,9 دوللار. ال ءۇشىنشى ورىندا يسپانيانىڭ كارتاحەن قالاسى. تاۋلىكتىك شىعىنى 49,7 دوللار. ءتورتىنشى ورىندا بۋحارەست. رۋمىنيا استاناسىندا ءبىر تۋريست 55 دوللار جۇمسايدى. ال بەسىنشى ورىندا تۇركيانىڭ انتاليا قالاسى. ونداعى تاۋلىكتىك شىعىن 55,03 دوللار. ەڭ ارزان وندىقتا بۇلاردان بولەك سيەمرەاپ (كامبودجا), كيەۆ (ۋكراينا), مانيلا (فيليپپين), مەحيكو (مەكسيكا) جانە سليما (مالتا) بار.