اعىلشىن پرەمەر-ليگاسىنىڭ تورەشىسى مارك كلاتتەنبۋرگ ساۋد ارابياسى فۋتبول فەدەراتسياسىنا جۇمىسىن اۋىستىردى. بۇل تۋرالى eurosport.ru حابارلادى.
«انگليا كاسىبي تورەشىلەر قاۋىمداستىعى (PGMOL) مارك كلاتتەنبۋرگكە ساۋد ارابياسى فۋتبول فەدەراتسياسىنداعى جاڭا جۇمىسىنا ساتتىلىك تىلەيدى. PGMOL-دىڭ ىرىكتەلگەن قۇرامىنا ەنگەننەن باستاپ جوعارى دەڭگەيدە جۇمىس ىستەپ كەلدى. بۇل مارك ءۇشىن تاماشا مۇمكىندىك. سونداي-اق, انگليا تورەشىلەرىنىڭ بەدەلىن الەم الدىندا تاعى ءبىر دالەلدەدى», – دەلىنگەن PGMOL حابارلاماسىندا.
وتكەن جىلدىڭ جەلتوقسان ايىندا كلاتتەنبۋرگ ساۋد ارابياسىنان بولەك قىتاي سۋپەرليگاسىنان دا ۇسىنىس تۇسكەنىن ايتقان بولاتىن.
ايتا كەتەيىك, 41 جاستاعى مامان بۇگىنگە دەيىن 600-گە جۋىق ويىنعا تورەلىك ەتكەن. سوڭعى رەت ول 11 اقپاندا وتكەن «ارسەنال» مەن «حالل» اراسىنداعى ماتچقا باسشىلىق ەتتى.